BB游水注意事項

孖寶的第一次 BB游水注意事項

專欄

廣告

Caydan Ramsey的下水禮,今次係孖寶第一次正式去泳池,之前玩Baby Spa的唔計……呵呵!今次小試牛刀,去咗屋企會所的泳池。

未去之前孖媽我都有好多顧慮,又諗泳池的水含氯,會唔會傷害佢地的皮膚? 又有諗過BBs係水度poo poo點搞? 咁樣我會唔好意思的啦。又有諗到如果BBs嗆到水點算,你知呢媽咪嘛,係會諗得比較多~hehe

咁我當然係會同孖爸商量啦,佢好快咁send咗好多游泳對嬰兒的好處相關的link過來KO我,咩促進BB食慾、強化免疫系統,降低過敏現象、增加親子之間的互動等等…….即時徹底咁KO咗我,不過其實我都同意咩都應該試吓,不過要安全。於是我就整理下思緒,諗清楚 BB游水注意事項 ,以下將我今次的經驗整理出來同大家分享:

BB游水Check list

1. 一個安全的水泡,咁我當當然係帶兩個比孖寶一人一個啦
2. 防曬用品 ,一定要搽
3. 帶d孖寶平時食開的有機小食餅乾,引佢哋坐定定一陣, 等大人可以有d時間執嘢
4. 毛巾,至少帶兩條比BBs, 一條帶出泳池用作上水時保暖;而沖完涼抹身就用另外一條, 咁我當然係帶咗4條比孖寶
5. BBs游水尿片,我係Aeon買咗Huggies的
6. 防蚊用品,一早要用定,未落水之前搽。大家都知今年幾多蚊
7. 仲要一件泳衣,提提大家最好揀一件緊身的泳衣,如果真係好曬,可以用埋防曬功能的泳衣。 仲有,怕BBs肚仔著涼,最好就著連身的泳衣

BB游水注意事項

1. 唔好食得太飽
2. 睡夠先落水游泳
3. 唔好游咁耐,最多一小時 。今次孖寶第一次游水,比佢哋玩咗大約30分鐘
4. 陪同BBs落水的大人最好著件T恤落水,因為BBs係水中會反射性咁搵野抓,如果大人身上有件T恤就可以比BBs一驚個陣有野抓,比BBs多d安全感
5. 如果好似我哋咁係去泳池,落水之前可以先檢視一下泳池環境,水質:我同孖爸目視過d水非常清澈,同埋表面無明顯的浮游物……haha

游水實戰分享

咁一切準備就緒,可以開始游水喇!!
我首先比佢地係游泳坐咗一陣,睇吓同適應環境,之後就放BB入水泡啦。

其實我無expect佢落水會係好開心,因為之前幾次Baby Spa佢地兩兄弟都係好冷靜。

我同孖爸都係雙手推住佢地個水泡,沿著泳池同佢哋行下,有一段小時間我捉住兩個,孖爸自己去游咗一陣。

Ramsey細佬仔好似覺得好正咁,起初有係咁踢水,之後可能係水度浮下浮下好舒服,好似好想訓咁。而Cayday哥哥keep住同平時一樣都係咁老定,好似好有大將之風咁….哈哈

我地就咁樣游咗30分鐘,跟住俾孖寶上水休息。

唔知孖爸係太耐無游水,定係年紀大左好多,佢話游咗一陣已經好累了 。

 
我和孖寶的Facebook Page:荔枝與孖寶
我和孖寶的 Instagram IG#:laichimama

If there is any question or you looking for me and the boys, please feel free to contact LaiChiMaMa via Email:[email protected]