托腹帶既選購

專欄

廣告

近排身邊都有幾位新手媽媽朋友剛剛懷孕幾個月,當然大家一定會互相交流啦!被問到托肚腹帶我一定要同大家分享,首先托腹帶既用途係可以防止子宮下垂同時可以減輕媽媽腰部承受既壓力,唔好以為要等到個肚好大又或者腰痛先開始用,其實大概4個月到已經可以用ga喇!

 

最常見既托腹帶都係呈長條形,這款係我家姐生完留俾我用既。

 

亦有一種係在腹部位置呈橢圓形,當你帶左上身就感受到兩者分別!

 

兩者比較起黎橢圓形呢種會較舒適,原因係腹部位置較大範圍可以整整包實個肚,感覺亦較有安全感,而且腰部亦大大減低壓力,所以我用呢條帶做野就算要企較長時間腰都唔會太累。

以下圖片可作比較

 

所以建議各位媽媽可以試下我介紹呢一種托腹帶,托BB輕鬆D媽媽心情都好D!

 

本人係買呢一隻牌子大家可作參考,當然亦會有其他牌子有同類型既托腹帶,如果可以買前試帶就更好,可以知道係咪真係適合。

購自:Seraphine Paris