暑假活動2019

【暑假活動2019】馬灣必去親子友善餐廳 體驗親子Pizza工作坊

親子餐廳

廣告

踏入7月,又係時候準備迎接暑假嘅來臨啦!住新界嘅朋友可以趁住假期去馬灣,來個短途半日遊!馬灣入面有一間親子友善餐廳-「Cafe Roma」,爸爸媽媽除咗可以同小朋友去食嘢,仲可以體驗親子Pizza工作坊!Sundaykiss小編將為你介紹2024最新美食資訊,即睇:

撰文:和牛B嘅成長日記|編輯:KM

【暑假活動2019】馬灣必去親子友善餐廳

話咁快又就到暑假啦,你哋計劃好去邊到玩未?如果未,不如等我同大家分享一下暑期有咩好活動可以做啦~

夏日熱辣辣當然會諗起去沙灘玩沙啦,但又唔想帶好多工具出去玩。我就建議大家去馬灣到玩,因為呢到有一間餐廳「Cafe Roma」。

^ 嚟到Cafe Roma餐廳用膳,仲可兩手揈揈去沙灘玩

餐廳絕對做齊了親子友善嘅服務,餐廳有豐富健康兒童餐之外,仲有Cafe Roma嘅Uncle Kevin免費提供玩沙工具及玩具俾小朋友玩樂。

而重點係今年「Cafe Roma」再度舉辦兒童薄餅工作坊,讓小朋友及家長跟住Cafe Roma主廚Chef Jaakko學整Pizza。

首先感謝Cafe Rome嘅邀請,我哋嚟到呢到一齊學整Pizza,仲可以一齊試7月1日嘅新菜式。

^ 製作Pizza嘅新鮮食材,就係蕃茄醬都係廚師由利用外國入口嘅新鮮蕃茄製作而成。

^ 開始搓Pizza皮了~

^Chef Jaakko 親手教和牛b整 Pizza底

^Pizza底完成後,就可以一層一層加上醬料同埋食材

^ 話咁快就完成~焗完仲可以即刻食

工作坊大概1小時左右,適合2歲或以上小朋友參加。
透過活動,小朋友自己一手一腳製作專屬嘅Pizza,能增加佢對食嘅興趣。
亦能透過與廚師嘅互動,認識唔同嘅顏色及形狀。

完成「兒童薄餅工作坊」,仲可獲贈證書一張。

兒童薄餅工作坊只需八位起,即可以自組工作坊。
而參加工作坊嘅小廚師,完成後仲可獲頒發證書一張。
另外,只要加$80仲可獲贈專屬繡名 (中文或英文名亦可)嘅廚師帽及圍裙套裝。

工作坊詳情
收費:每位小童港幣$320
費用包括:薄餅材料、果汁一杯、證書一張、廚師帽及圍裙套裝 (*只需另加港幣$80即可享圍裙繡名服務,詳情請與職員查詢)
工作坊時間:約1小時
名額:八位起即可自組工作坊
對象:適合2歲或以上小孩參與
**活動需預約

餐廳就在沙灘旁邊,有戶外同室內。
對住個大海,真係寧舍舒服,雖然係夏天但近海邊關係都有海風,都舒服的。

Cafe Roma嘅Uncle Kevin免費提供嘅玩沙工具同埋車仔。

餐廳入面仲有圖書閣,入面有好多圖書,仲有和牛B最愛嘅Peppa Pig。

餐廳嘅細心去到為家長設想,有一個玩具盒入面裝咗無數玩具俾小朋友解悶。
讓家長可以慢慢點餐,一齊坐定定等開餐。

呢個玩具盒滿載驚喜,入面有小玩具、填色紙、仲有男生女生都愛嘅印水紙、美甲貼紙。

^ 去餐廳都可以做美甲貼紙

^ 專心填色

^ 仲有餐廳最新Menu

Cafe Roma x Marcus & Marcus Amusing Kids Set 兒童套餐

套餐包括:是日餐湯、主菜、新鮮雜果及果汁。
主菜提供兩個選擇,番茄西蘭花蝴蝶粉及迷你夏威夷薄餅。

食材都係特意由意大利新鮮進口嘅聖馬爾扎諾番茄炮製蕃茄西蘭花蝴蝶粉。味道有別於其他車厘茄,聖馬爾扎諾番茄嘅酸度較低味道鮮甜,皮薄肉嫩,小朋友都會好鍾意食。而蕃茄西蘭花蝴蝶粉係選用Marcus & Marcus嘅皇牌產品沙灘玩樂元素嘅餐盤盛載,如立體嘅沙池、城堡及小水池等。

豐富健康嘅兒童餐,餐具仲係Marcus & Marcus Amusing Kids Set 超可愛,小朋友見到都已經好開心~

逢星期二至五,兒童套餐另加$48即可將兒童套餐嘅主菜升級做自製薄餅體驗,小朋友可親手挑選食材,製作專屬薄餅。

除咗兒童餐好食又豐富之外,今次我哋都享用咗好多款菜式。
菜式食材都好新鮮,好好味。

黃鰭吞拿魚牛油果沙律 $138

香脆茄子片伴番茄羅勒香草醬 $88

脆炸番茄意大利飯芝士球伴番茄羅勒香草醬 $88

焗法國軟芝士配白松露油、迷迭香及松子 $138

香辣蒜蝦配香烤法包 $158

無肉不歡薄餅(Meat Lovers) $148

意大利蜆肉長通粉 $148

黑松露卡邦尼闊條麵 $148

香烤全天然雞配脆炸番薯條、雜菜及烤肉汁 $198 (半份)

香烤澳洲羊扒伴烤薯仔、甜椒及法式芥末籽肉汁 $188

焦糖香蕉配Mövenpick楓糖合桃味雪糕 $88

心太軟朱古力蛋糕配Mövenpick楓糖合桃味雪糕 $88

仲有夏日特飲 Mango Wonderland、Roma Paradise、Watermelon Juice、Baby Coconut。

^ Mango Wonderland及Roma Paradise

嚟梗7月7日(星期日) Cafe Roma 仲會舉行Cafe Roma夏日派對,餐廳為小朋友準備咗一系列精彩活動,包括兒童繪本共讀、非洲鼓工作坊等。
而活動當日凡惠顧Cafe Roma x Marcus & Marcus Amusing Kids Set 兒童套餐嘅客人,即可享免費兒童面部彩繪服務一次,名額有限,額滿即止。

活動日期:2019年7月7日(星期日)
活動時間:下午12時至6時
活動地點:Cafe Roma 香港珀麗灣沙灘商場地下 7-8 號舖 (馬灣東灣泳灘右側)

費用:全免
活動內容:
• 非洲鼓工作坊
• 兒童繪本共讀
• 沙灘遊戲
• 兒童面部彩繪服務 (惠顧Cafe Roma x Marcus & Marcus Amusing Kids Set 兒童套餐即可免費享用服務一次,名額有限,額滿即止)

更多活動詳情及報名資訊,請瀏覽Cafe Roma Facebook專頁。

【Cafe Roma @ 馬灣】

地址:香港珀麗灣沙灘商場地下 7-8 號舖 (馬灣東灣泳灘右側)
營業時間:下午12時至晚上11時(逢星期一休息)
電話:(852) 3446 1226
電郵:[email protected]
網址:http://www.caferoma.com.hk
Facebook:http://www.facebook.com/caferoma.hk
Instagram:http://www.instagram.com/caferomahk

————————————————–