有一種幸福叫「荔園Super Summer 2016」夏日任玩優惠!

專欄

廣告

Text : TRAVEL佳

(Presented by 荔園)

 

自問縱橫全球主題樂園多年,有咩新奇刺激、好玩噱頭咩我Travel佳未見識過,之但係玩嘅都係他鄉別人嘅童年回憶,雖然開心但難免有點美中不足,原來世上有一種主題樂園嘅玩法,叫集體回憶。自問80後港男一名,對於以前風行一時陪住好多人成長,但已消失嘅幾個香港主題樂園,好似荔園、青龍水上樂園、出奇老鼠等,真係有種說不出嘅情意結,尤其是獻出我人生N咁多個第一次嘅荔園。

 

另外荔園最近更推出夏日任玩優惠:逢星期一至四,遊客可選擇10個代幣,或任玩7大熱選收費項目,包括:「充氣大暴走」、「碰碰車」、「DINO Dum Dum跳」、「開心砵砵車」、「彩虹波波池」、「荔園 x蘇飛的奇幻世界」及「ChariTEE」,$140任玩7大收費項目,計落又真係好抵嘅!

 

記得舊年荔園首次喺中環海濱復辦,都有衝去率先試玩,結果喺30幾度極翳悶高溫下,玩咗無耐已經全身濕晒、紅都面晒、投降走人,所以今年「荔園Super Summer 2016」移師亞洲國際博覽館舉行,除咗高卡車外,所有遊戲設施都會喺室內嘆住冷氣慢慢玩,玩到攰又可以坐低食吓嘢抖完再玩過,對於怕熱又唔想玩完成身臭汗,走去坐機鐵或巴士嘅人(如我)嚟講,絕對係天大喜訊。

 

好,入正題。今年主題係「夏日大晒」,有別去年將所有經典照抄一次。今年22個景點及娛樂活動大多以創新為主,開幕試玩當日巧遇荔園主席邱達根先生,佢就話希望以一個全新角度帶出荔園與時並進嘅宗旨,所以引入全港首個電動高卡車場「XRace」、全港首個最長室內競技遊戲「充氣大暴走」,又與本地插畫師林皮聯乘打造大型藝術裝置「蘇飛放暑假」推動本土年輕文化創作。

 

4米TINO「吸蕉大笨象」

作為大象TINO忠粉,當遠距離見到4米高嘅「吸蕉大笨象」時,已即刻衝上去「餵」佢食香蕉,同當當年嘅鎮園之寶(複刻版)嚟個超時空互動!仲有「(就 咁)擲階磚」等耳熟能詳嘅攤位遊戲,不過佈置同禮物就革新咗⋯⋯唔緊要,無綠箭/黃箭香口膠食,但有公仔攞返屋企都算賺咗。同場仲有開心呠呠車、彩虹波波 池、碰碰車等小朋友經典玩意。

 

「XRace」高卡車刺激體驗

講到刺激方面,由米高舒密加的賽道設計師Michael Kolbinger設計,全長650米嘅「XRace」高卡車就真係無得輸!採用最高性能、最安全的德國RiMO電動高卡車,在蜿蜒曲折嘅賽道上忘我風馳 8分鐘,不過呢個項目需要另外購票,每人盛惠HK$280,已包括10分鐘登記、15分鐘安全訓練課堂、12分鐘穿戴安全裝備及8分鐘XRace體驗。提 提大家,要著過膝長褲同高過150厘米,先可以落場參加。

橫衝直撞「充氣大暴走」

「充氣大暴走」係另一個推介嘅室內競技遊戲,兩邊賽道全長110米,表面看似簡單易過關,但其實充氣跑道同障礙物都載浮載沉,要用力都有一定難度,好在軟腍腍橫衝直撞都唔怕,尾段仲可以爬上7.8米瀡滑梯,嗰刻真係有變番做細路嘅感覺。另一招牌遊戲「DINO Dum Dum跳」恐龍DINO脹卜卜好可愛,啱晒小朋友同家長匿入大肚Dum裡面玩跳彈床。

 

荔園 x 妖怪手錶暑假不可思議之旅

場內其他免費娛樂還有跟地縛喵、妖怪手錶第二季全新角色USA蹦見面,極受小朋友歡迎的「妖怪手錶宇宙Dance」及「妖怪手錶見面會」。以1:1比例搭建的「荔園 x 妖怪手錶暑假不可思議之旅」,有多個如4D仿櫻花飄落場景的互動遊戲場景,俾大家玩樂拍照,集齊蓋印仲送限量神秘禮物一份!同場還有20組由中小學生製作嘅紙糊動物,隱身於「親子小花園」工作坊內同大家大玩Hide N’Seek。

 

荔園 x 蘇飛的奇幻世界

場中央一排排迷你版荔園專車巴士,亦係大人細路搶住拍照打卡嘅必據點。「女飛賊蘇飛」係今年新加盟嘅女主角,甫進場即見到閃爆的「蘇飛放暑假」大型裝置藝術;旁邊則是以走進奇幻世界、尋找各位好友和趣事為題嘅「荔園 x 蘇飛的奇幻世界」室內迷宮。今年荔園還邀請了13個本地慈善團體率先免費試玩,值得一讚。

 

最後,提提大家如何 Spend Smart!憑活動套票搭「機場快綫」即日來回有優惠,12歲或以上車費分別係HK$57(香港站、九龍站)、HK$42(青衣站);3至11歲小童免費,車程由17-28分鐘不等。由東涌巴士總站坐X1線,成人車費HK$5.8,車程約10分鐘;還有11條機場A線巴士可直達會場。露天泊車位收費每小時HK$18,日租HK$90。

 

「荔園Super Summer 2016」

日期:由即日起至8月7日

地點:亞洲國際博覽館(戶外貨車調度區、室內8號及10號展館)

時間:星期一至五,早上11時至晚上8時。

星期五至日,早上10時至晚上8時。

票價:^星期一至四,成人$140、長者$70(包10個代幣)。

星期五至日,12pm前入場,成人$140、長者$70(包10個代幣);

12pm後,成人$180、長者$90(包12個代幣);3歲以下小兒免費入場
#。

*單購代幣 $10/ ** 8分鐘電動高卡車旅程,另加HK$280,只准18歲或以上、身高150厘米或以 上人士參與。

網上購票:laiyuen.hk (亦可現場購票)

 

^ 逢星期一至四,遊客可選擇10個代幣,或任玩7大熱選收費項目,包括:「充氣大暴走」、「碰碰車」、「DINO Dum Dum跳」、「開心砵砵車」、「彩虹波波池」、「荔園x蘇飛的奇幻世界」及「ChariTEE」。

#逢星期一至四,3歲或以下入場人士,可選擇以港幣$100任玩熱選收費項目,包括:「充氣大暴走」、「碰碰車」、「DINO Dum Dum跳」、「開心砵砵車」、「彩虹波波池」、「荔園x蘇飛的奇幻世界」及「ChariTEE」。

詳情及細則,請致電:(852)6524 4557查詢。