本地親子遊: 認識大自然的好地方Hong Kong Wetland Park濕地公園, 靜態學習比不上實際接觸來得深刻

專欄

廣告

香港濕地公園 Hong Kong Wetland Park 係天水圍北部,over 60公頃,係世界級的生態旅遊區。絕對可以算係香港少有嘅生態公園,好岩一家大細一齊參觀。

除咗有戶外的濕地保育區之後外,園內仲有佔地10,000平方米的室內訪客中心,訪客中心提供一d有趣同珍奇的動植物展館等。係唔同天氣, 唔同時間就會有唔同嘅特色主題展覽,好似蜻蜓節、「海洋奇珍 – 綠海龜」專題展覽等。訪客中心在建築時引入不少環境保護的概念。濕地向來與人類息息相關,人類文化就有介紹濕地與人類發展嘅關係。而「濕地世界」就有細分為三部份(北地苔原、熱帶沼澤、香港濕地)

室外濕地保育區就分別有

-貝貝之家

-溪畔漫游徑

-演替之路

-紅樹林浮橋

-原野漫游徑

-蝴蝶園

唔講大家可能唔知,孖爸孖媽其中一輯的婚紗相就係係濕地公園影既啦。

Share 小小比大家睇,係我地其中一位喜歡的攝影師影的。

而係星期六、星期日及香港公眾假期,仲會有經過訓練嘅義工同你地做濕地導覽工作,帶領生態導賞團,同埋會向遊客講解生態資料,令遊客更了解濕地的生態知識,最重要就係帶出保護濕地嘅訊息。

提提大家呀,紅樹林浮橋唔可以推BB車行的。可以先放埋一邊,之後行完浮橋再推返BB車遊園。

2個小B好專心欣賞濕地!? 非也……

其實佢地係研究緊圍欄上嘅珠珠,研究都唔願走呀!

濕地公園的環境真係令人好舒服同放鬆呀!

Caydan Ramsey都好似好喜歡呢度嘅環境咁,自自然然坐下來,拎起地上的樹葉來欣賞。

孖媽覺得靜態學習比不上實際接觸深刻,睇相就算再靚都只係平面靜態,還不如實際地接觸實物。孩子的感受性會來得強烈好多,就好似你現場欣賞蝴蝶咁,小朋友可以直接感受到風、陽光、味道、溫度,身體的聲覺、味覺、觸覺、視覺等,印象可以更深咁烙印住。所以我們一有時間都會儘量帶Caydan Ramsey去真實咁體驗大自然的一切。

細佬仔好似真係會觀烏咁呀!

孖爸想一齊影張有紀錄價值的相都幾難,孖寶老是走過來「搞事」,嘩哈哈!

香港濕地公園 Hong Kong Wetland Park

地址: 天水圍濕地公園路

電話: 3152 2666

開放時間: 10時am to 5pm [每日開放,逢星期二休息,若星期二當天為公眾假期(包括農曆年初一至初三)則照常開放]

入場費: 成人: HK$30

3歲至17歲小童、全日制學生、殘疾人士(及一名同行照料者)及65歲或以上長者: HK$15

3歲或以下: 免費

我和孖寶的Facebook Page:荔枝與孖寶

我和孖寶的 Instagram IG#:laichimama

 

If there is any question or you looking for me and the boys, please feel free to contact LaiChiMaMa via Email:[email protected]