PizzaExpress, DIYpizza, 兒童烹飪, 夏日Safari兒童薄餅製作派對, 珠女, YiuB, 菲菲

森林 DIY Pizza Party

專欄

廣告

噚日, Keicy 同 Kassy 參加咗一個森林 party, 有得 cosplay 馬騮仔同大象當然開心啦, 最興奮係可以跟老師學整 pizza, 仲落咩材料都得呀! 哈哈哈!

`

首先, 老師畀每位小朋友一塊餅皮,

跟住, 小朋友放三隻手指喺個邊度, 推出去.

咁做係要令餅皮邊黐住個盤.

推哂成塊餅皮, 邊位黐住個盤之後, 加一殼茄醬落去,

上下左右咁搖, 不停咁轉同 chok 個盤.

好似食緊 shake shake 薯條咁呀! 😛

雖然 shake 開啲茄醬好辛苦,

但係我覺得都幾好, 可以練吓小朋友嘅手腕力,

因為平時好少練到佢哋手腕嘅力量.

`

跟住, 就要將材料放上茄醬度.

老師呢個時候不斷提醒大家:

材料唔可以重疊, 唔係就會跌出嚟喇!

至於材料點擺, 完全可以自己話事,鍾意點擺都得!

`

 

小朋友最鍾意落咩食材?

梗係芝士啦!

其實, 佢哋落茄醬嗰陣時已經係咁偷食,

而家落芝士, 就更加攞正牌, 係咁食!

`

整好哂之後, 要將個盤插個一個架度.

跟住, 啲哥哥姐姐就幫手將個架,推去焗爐度,開始焗 pizza 喇!

`

趁啲 pizza 焗緊, 交畀小朋友做才藝表演, 扮返佢哋今日扮演嘅動物.

一人有一張貼紙, 所有小朋友表演完之後,

大家就將貼紙, 貼喺自己最鍾意嘅小朋友身上.

而 Kassy 就得到 4 張貼紙, 攞亞軍!

仲得到 D 字頭著名鞋履品牌送出嘅禮物添! ^^

雖然 Kassy 距離冠軍相差兩張貼紙,

不過喺我哋心目中, Kassy 已經贏咗喇! 叻囡!

`

玩完遊戲, pizza 亦都焗好, 入哂盒, 分好哂.

拎出嚟嗰一刻, 所有小朋友都勁開心!

因為可以拎返屋企, 同家人一齊分享吖嘛!

`

神秘驚喜嚟喇!

噚日咁啱係珠女生日, 我哋仲同「菲菲」、YiuB,  一齊為珠女唱生日歌,切蛋糕慶祝! ^^

Happy birthday 珠女!

`

想好似 Keicy、Kassy 開心整 pizza 嘅話, 可以參加 8月 11日,喺佢哋康怡廣場店嘅兒童薄餅派對, 名額有限, 快啲報名啦! 🙂

`

FB: KeicyKK