澳門小渡假PART 2
廣告
從第一晚post有關Sheraton Grand Macao Hotel澳門親子房間，已經收到四十幾個媽媽inbox問我詳情，哈哈！媽媽們都是貪玩得來又細心的，大家問的問題都差不多所以就在這裡一一share，唔逐個inbox回覆啦，但再有問題可以再問啊，開心跟大家share ！！
除左親子房好吸引，大家都好關注食物問題，柔謹過了一歲後，我們都慢慢讓她試大人食物，當然要注意易敏感食物（海鮮、蜜糖和花生等要盡量避免），但其他都可以慢慢試，而直至16個月開始我就無再另外煲飯仔比佢，外出都跟我們用餐啦！
除左個親子房超吸引外，嘩！我諗呢個Shrekfast At Sheraton早餐都真係我去過最正既早餐，大人細路都玩得好好好開心：）
之前去主題樂園都會有卡通人來合照，但今次就非常不同，整個餐廳都佈置得為一個theatre ，氣氛十分好，大舞台上有DreamWorks的卡通人物出來跳舞表演，還會下台跟每枱的大人細路合照，柔謹由開頭有少少驚，去到後來真係勁興奮爭住同 Shrek跳舞和 Hi Five，超攪笑！但佢最愛依然係功夫熊貓哈哈！
食物就當然都好適合大人細路，柔謹主攻水果乳酪，還有pancake waffle，仲有燒賣餃子，薯角… 哈哈，愈講愈多，因為佢真係食左好多， 有得玩有得食有得睇表演有都得跳舞狂歡，呢個shrekfast 我100%推介各媽媽必試!!
