育嬰室

澳門親子遊: 解構澳門Parisian巴黎人 育嬰室

專欄

廣告

我地上星期第一次帶孖寶沖出香港,小試牛刀近近地去咗澳門,總括來講好開心今次可以參加呢個旅遊為名、實質係【訓練營】的活動,完全係挑戰人類體能的極限。充分咁訓練到我b同孖爸的腰力,膊力,全身的力……我地頂得住嘅!(自我催眠mode)

 

真心 感謝給予我參加訓練營的機會,Thanks God!

我地今次都有快閃咁參觀咗巴黎人一下,大家都知道巴黎人岩岩上星期9月13號先開幕,我地係開幕唔夠一個星期呢個時間就去,酒店真係熱鬧過年宵呀~

去到第一件事,我地係要搵 育嬰室 幫Caydan Ramsey換尿片呀。快速咁去大堂的Concierge詢問,原來 育嬰室 設係3樓同5樓先有的。咁當然即時上3樓啦,其實當時我和孖爸已經累到不行了,孖媽即時忽發奇想唔知澳門d酒店,會唔會好似香港的商場咁有BB車借用服務比家長推,咁我地就唔洗咁辛苦,揹足全程周圍行啦~

酒店新開有澳門身份証餐飲會有優惠,可惜我地無…..呵呵!

入返正題,澳門巴黎人的育嬰室有2張基本的換尿片枱(岩哂我地用),洗手盆,一個sofa位係比人奶媽媽。唔同香港的商場其他最basic的暖奶器,尿片枱墊等等都係無提供的,所以各位去既媽媽就要自己留意咩都要帶足啦。

不過空間真係好足夠,如果要推埋BB車入去都唔會逼,而且酒店新開d野都仲係好乾淨。

最大賣點係酒店育嬰室內設有大人細路可以一齊入的洗手間,方便家長睇住同幫助小朋友如廁。連洗手盆都係有大人細路不同高度的版本,挺貼心的。

咁我地當然有順道參觀一下典雅的巴黎人酒店啦。

瞬間看地球……話咁快我地已經參觀完Eiffel Tower啦…..LOL

期待下次有機會入住巴黎人的親子客房喲!

我和孖寶的Facebook Page:荔枝與孖寶

我和孖寶的 Instagram IG#:laichimama