伏匿匿

【伏匿匿】請珍惜孩子「你睇我唔到」的日子 | 父母秒懂的事

專欄

廣告

我哋一直都有同Alfred玩伏匿匿,總覺得佢玩伏匿匿時特別可愛,因為每次都會好容易發現到佢XDDD。

撰文&圖片:Alfred成長日記 | 編輯 :Chloe

伏匿匿是孩子自我中心的表現

原來佢咁易畀人發現係有原因呀,呢個係一種「自我中心」未脫離嘅表現。喺6、7歲前都會以為自己匿埋得好好,但其實佢只係掩埋自己雙眼,其他身體部位早已露餡了!XDDDD

享受孩子 好傻好天真的日子

我哋真係好享受Alfred仲未匿得好好嘅階段,仲係好享受搵佢時要忍住唔笑但又要扮睇佢唔到咁大叫「Alfred喺邊度呀?」、「您匿得咁埋,媽咪搵唔到您添!」。每次同佢玩伏匿匿,我同爸爸都覺得佢好天真,好傻,我同爸爸都會相對而笑咁講「咁就叫匿埋咗?XD」,更會影底佢令我地哭笑不得嘅匿埋情況,而且每次玩完,大家都會開懷大笑!

爸爸甚至堅持每晚都會同佢玩伏匿匿,因為爸爸知道,個仔大個咗之後,就未必會咁樣同我地玩呀啦。:(

伏匿匿 超簡單親子遊戲

原來簡單嘅伏匿匿遊戲都係一個好好嘅親子活動,而且每次見到個仔洗出一招「您睇我唔到,睇我唔到」。我同爸爸都會好落力咁配合陪佢玩,因為我地唔忍心咁快拆穿佢,因為我地知道,您呢個「睇我唔到」嘅表現,係代表您仲稚嫩,我地更要好好珍惜您仲樂意同我地咁玩嘅每個時刻呀!

大家又有無影底一啲「您睇我唔到」嘅珍貴相呀?

(以上資料更新至撰文當日)

聯絡電郵:[email protected]

最近開始玩IG,歡迎追縱:allaboutalfred

最近開始玩YouTube,歡迎追縱:allaboutalfred

追踪更多育兒生活分享,請按Alfred成長日記