生1個定生2個~成長就是要有伴

專欄

廣告

是真的?我一早計劃生兩個孩子,因為我小時候也有細佬陪我,所以我覺得有兄弟姐妹會好d~有些時候,最煩是她們吵架鬥咀,最甜是看到她們傾心事,分享食物,角色扮演………

因為我覺得呢有兄弟姊妹一齊成長會好啲,當她們細個嘅時候,家姐唔識同妹妹相處,當妹妹係公仔,有時會整蠱佢,有時會整喊佢,慢慢地看著她們長大,佢哋一齊經歷好多唔同嘅事情,一齊去歷險,一齊去發掘新事物,一齊玩,一齊喊,一齊俾媽媽鬧…..

兩姐妹漸漸培養感情,佢地會成為好朋友好知己好姐妹,這一種感情真係好難得,希望佢地好好珍惜。

有時候不需要成日都找爸爸媽媽陪,我地都多返d私人事時間抖下,因為大家有共同鐘意既興趣,共同鐘意玩嘅嘢,可以互相支持,互相鼓勵,互相分享,希望佢哋繼續可以好好感情做一對好姐妹啦!!!

 

家姐:6歲半 妹妹:3歲8個月@長隆 family trip2013

 

最有印象的是上年6月去泰國旅行,差不多每天游水,到最尾也話要游水,兩姐妹可以兩個係BB池嬉水,我們在池邊幫她們拍照,如果得一個孩子,父或母也需陪玩,另平常時間也可叫家姐陪妹妹做這樣,妹妹陪返家姐做那樣,不需事事也叫“媽媽”,孩子真的是需要玩伴,一同成長,一同經歴,那是她們美麗的回憶

家姐:9歲半4個月 妹妹:6歲半@Seoul family trip2016

有時她們大個左,一齊玩一些機動遊戲,可以有伴,玩刺激的一齊驚一齊嗌,一齊好玩一齊笑,這也是她們一同成長的一部份。

希望兩個女長大後,我地可以好似3姊妹咁一齊扮靚行街SHOPPING就最好喇~

其實生兒子生女兒都冇得揀,但是有兒女的就是天父賜給我們最寶貴的產業,一樣是有福!!!

組織家庭就是由”愛”開始~~~

Keep going~~~