婚姻

生BB之後 會令婚姻付出代價?

專欄

廣告

最近一套電視劇,好多父母都好像睇得好有共鳴。我自己倒是沒怎麼看電視,反而各大親子平台所轉載嘅內容就比較有留意得多一點。當中好像提到男主角係BB出世之後疑似情緒上出問題,其實之前美國Seattle有研究所指出,2/3嘅夫妻,都會係第1個BB出世之後後嘅3年內,發現婚姻質量明顯下降。

生BB之後 會令婚姻付出代價?

BB出世大家都好開心,但同時你會唔會覺得身邊嘅伴侶變咗,變得唔再可親體貼、反而好像比以前多了點暴躁易怒?新手媽媽可能會覺得老公總係幫唔上忙,咩都係自己要handle哂。而爸爸呢,又可能會覺得老婆已經唔再溫柔可愛,什至可能變得有d狂躁,事事緊張。

其實媽媽一下子由女兒身份變成媽媽身份係身體同心理上都係一個好大嘅轉變。而女性嘅感受同感覺通常都會比較強,因為生BB之後體內荷爾蒙劇烈咁發生變化、初次照顧infant baby同埋想親餵母乳都係壓力嘅來源、當然仲有由工作岡位變成轉戰家庭所帶來嘅變化啦;而新手爸爸呢,通常都係見到家中帶來各種變化之後開始轉變。

但呢一切不都是正常嗎? 我地每個人係唔同時候都會擔當唔同嘅角色,畢竟照顧infant baby的確係會令夫妻雙方感到壓力,再加上時間嘅分配已經變得不再一樣,兩公婆嘅溝通都會減少,當然親密行為亦都會自然減少啦;萬一係照顧BB嘅過程中出現意見不一,仲可能會引起大家爭吵,咁又點會唔影響夫妻關係呢?

就以自己為例,基本上BB出世到他們2歲有多嘅時候,我一直係無自己嘅,做咗媽咪事事以孖寶為先,係最正常不過。由懷孕到他們2歲多,除咗工作以外嘅treatment,我基本上完全無處理過自己塊面,自己嘅facial都好耐亦無時間去做。而我亦有43個月無做過運動,只係最近先開始返。以前我好多時都會整嘅指甲呢,由懷孕到以家都仍然係無再整過。自己所有嘅興趣都放埋一邊了,當然頭髮,衣著亦都無再點樣去兼顧啦。我絕對唔係偉大,亦完全無犧牲到d咩。只係想講問題係當我無咩點顧自己身細時(形象打扮),老公無出聲,但其實無形中亦係影響緊2人嘅關係。

再者,以我地為例基本上孖寶出世這差不多3年內,每年平均2個人一起出去go on a date嘅機會好像一年都未必有一次(咁係好唔健康架)。因為我同我家先生都覺得,小朋友係自己嘅,有假期當然係希望可以同孖寶去玩啦,亦唔洗家人咁辛苦無得休息,放工我地都係9秒9返屋企。由以前嘅親密關係變成最熟識嘅陌生人,關係亦自然有所影響啦。
可能以家孖寶長大了點,亦因為自己無再返full-time,上年開始讀返書,溫習,考試等。更進一步研究自己喜歡,深感興趣嘅事物,開始搵返小小嘅自己。而過程中亦見到我家先生的付出,佢好努力用佢所有工餘時間去成就我考試,讀書。一直以來努力放大別人嘅優點同貢獻,是我多年來一直努力修煉的課題之一,亦係減小紛爭嘅重要一點。

當然亦好開心得到雜誌社唔嫌棄邀請我每月跟大家分享一些日常穿搭,雖然我最後都係因為怕醜而無當上這工作,但這更令我覺得自己應該留意返自己嘅形象同打扮先唔會辜負到其他人對自己嘅信任。再加上近年聽到2對朋友傳來婚姻出問題後嘅提點,而且因為我家先生嘅一些習慣始終介不去,亦令自己再作出更多嘅反思,到底係自己邊度出咗問題,自己邊度做我唔好,而令我幫唔到佢除去呢個習慣呢?
最近亦有正面咁溝通,改善自己嘅同時,亦比之前多點關心他,將孖寶出世之後,所有關顧嘅心思,回覆一些反去這個我應該一直關心嘅人身上。同時有提出大家多點go on a date,雖然時間都仲係未分配到,但係呢個亦係大家一個正視問題嘅好開始。

其實我覺得就算發現真係出咗問題,大家都可以一齊面對。我唔係咩婚姻專家,只係以切身感受去分享,交流;
1. First Step當然係正視問題啦,承認同面對絕對係解決問題嘅第一步。
2. 家務分配: 呢點我可以肯定,因為我親身經歷過兩夫妻被家務壓到透唔到氣。
家庭戰爭大部分嘅導火線都係因為家務。要知道媽媽產後身體未回復之餘,又要餵母乳,湊BBs,好多時都無覺好嘅訓,如果仲有一大堆家務要做,自然就會開始埋怨老公唔幫手啦。Infant Baby無錯的確係會帶來好多家務事,如果老公唔幫忙或者越幫越忙點算?

其實不妨試下大家分工合作,爸爸如果返工真係太忙,情況又許可可以考慮請人幫忙分擔家務,咁可以減小好多不必要嘅爭拗。
還有就是2夫妻係教養上應該盡量達成共識呀!
3. 當然係唔好忘記夫妻間嘅親密活動啦,我深信生咗BB之後,夫妻間嘅親密活動頻率會直線下降,而有可能更會完完全全將呢件事置之腦後。最近無奈地就2對婚姻出了問題嘅朋友提點得知,媽咪自己嘅形象同打扮當然係好重要啦,而夫妻間和諧嘅親密活動亦係婚姻幸福嘅關鍵之一。
我完全同意生咗BBs之後嘅時間同埋體力都係嚴重透支,再加上女性因為荷爾蒙嘅變化無必會對夫妻間嘅親密活動提起興趣!但我相信只要夫妻互相理解,摸索出合適嘅生活模式,亦自會搵出增進夫妻感情嘅好方法。

4. 第4點相信大家都知道,雖然對我地黎講目前仲係知易行難呢。就係2人世界的重要啦,偶爾,就算真係幾個月一次都係好,兩個出去食餐飯、睇場戲都可以有效提升夫妻感情。
5. 仲有一點就係自己嘅獨處時光,偶爾享受一下一個人嘅清閒。你會發覺自己嘅心情都會變得好d,再無咁易同老公起衝突。於我可以坐車出去返學,教班,考試,做些自己喜歡嘅事就已經是很好了。

我相信BB出世係唔會令夫妻惡化關係,反而BBs出世之後兩個人之之間係多咗一道強而有力、永遠無法割斷嘅關聯,呢支婚姻嘅AA膠,無錯可能係會短暫帶黎一d小問題,但只要2人同心好好去處理,自然可以一起創建更幸福嘅家庭。

夫妻間有共識,大家就會自動努力起來保護彼此嘅未來。

我們一起加油,共勉之~

我和孖寶的Facebook Page:荔枝與孖寶

If there is any question or you looking for me and the boys, please feel free to contact LaiChiMaMa via Email:[email protected]

參考資料:衛生處網頁