蛋黃哥

自家制 蛋黃哥 啫喱橡皮糖

專欄

廣告

依期 蛋黃哥 大熱,一向花心嘅小小豬都成為左佢嘅粉絲。今日見有時間,用屋企現有嘅材料,再加上之前玩食玩嘅 蛋黃哥 模,同小小豬齊齊親子廚房,整 蛋黃哥 啫喱橡皮糖,等佢開心下啦!

 

個整法都係好簡單,只需要啫喱粉、魚膠粉、粟膠同埋一啲雪橡皮糖嘅模型~

 

我之前都有間中整俾小小豬食,之前就多數整LEGO人仔同豬仔俾佢食,佢都不知幾鐘意。今次整小小豬近期嘅至愛,所以就等小小豬自己親手整啦!

 

準備一個量杯,倒入125ml室溫水~

 

然後倒入60g粟膠~

 

不停攪拌水及糖漿,直至看見兩者完全混合~

 

將糖水倒入煲中,但先不要開火~

 

再加入14g魚膠粉~

 

倒入啫喱粉~

接下頁

需要等待約1分鐘,讓啫喱粉自行吸收水份~

 

然後再用匙羹慢慢攪拌至完全混合~

 

之後開低火煮8分鐘,緊記每隔1至2分鐘要慢慢攪拌,以免糖漿會煮焦~

 

關火後,待糖漿降至室溫,然後就可以把糖漿倒至模型中~

 

最後就可以放入雪櫃,雪到實就食得啦(一般約30-45分鐘就可以了)~

 

甩模後…小小豬自家制嘅蛋黃哥啫喱橡皮糖就誕生,四粒蛋黃哥都幾似樣,同樣都係懶洋洋呀~

 

依個小小豬一見到個完成品都已經雙眼發光,所以佢就用左最快速KO左依四大粒,就連影相都好唔願意咁俾我影幾張,仲叫我唔好阻住佢依食蛋黃哥落肚,真係俾佢激C呀!

 

其實依個整法變化都可以幾大,可以因應小朋友鐘意嘅啫喱口味同公仔模型,整出唔同嘅款式,咁就實有一款係啱自己嘅小朋友。

 

既可以親子玩樂一返,又可以整到靚靚甜品,所以有時間都可以齊齊整下啦!

 

BY 小小豬的成長日誌