鏗鏘集:功課奴隸

專欄

廣告

鏗鏘集:功課奴隸

這一集絕對絕對值得家長睇睇!

香港主流學校的功課量真係達到虐兒的程度。

每日放學後要去未必是興趣的興趣班,各項補習課,再做10樣8樣功課(見過小四轉來NIS的小女孩說,每天十四項功課最多十八項),已到10:30pm。我跟那個小四女孩說14? 不痾不吃不停,每份15 min, 都要3.5小時。佢話佢做得慢寫得慢,跟本做唔晒,重未講溫書。@@ 沒完沒了,那時候返學覺得好慘….

6:30am-10:30pm,特長工時,真係可以請乜人返呢份工?

仲有,我哋大人返工可以吞 pop,上 facebook, whatsapp。去pantry食嘢叫tea。但有啲學校連小息落操場跑都唔得,只可在課室玩手指。小息只係為放尿。真心覺得返學慘過返工,因為工都可以自己選擇轉工,小朋友返學就自己無得選擇。小朋友通常都聽晒阿媽話,俾乜佢通常都硬食。佢話無問題好多時候只為滿足阿媽。阿媽有時為咗完成目標又扮睇唔到問題…唉…

看到每日做工課要開計時器,要限時做起,休息只可5分鐘,都要講價,大人有冇反省下,呢份工你想唔想返先?你老闆用個timer,time你每份功課做得幾快幾慢,不變態嗎?

之後有個做到要吊頸,聽到噹噹聲會驚恐,覺得返學係一億個慘。

曾面對過小一女孩,“見你鍾意玩這個,買俾你啦!”,竟然答“唔駛喇,其實我無時間玩…” 真係想起都慘,奴隷生活嗎?

名校的除咗枱面功課考試,還有枱底的競爭項目,又要加補又要學才藝。太多要贏在起跑線上的家長,孩子被迫於幼稚園已操定小一至小三程度的課程。K3要學定雙位數加減,又要學乘數表。高小時又要求學生有中學生程度。未上小一在預備班已經被補習社老師話你程度不夠…大佬…都未開學!?識晒的話做乜要上學?!

有小朋友話原本喜歡溜冰,現在不喜歡了因為太累。

「兩體兩藝」,邊個想出來的?體和藝,不練習是不成,還加上功課考試!提倡「兩體兩藝」的那個賤人要拉去打把!

節目中一個小朋友講出,大人不明白老師做一份功課只要15min,跟我們做一份要一個小時,層次是不一樣的。

希望,家長,老師和校長教局在功課和學習上,設身處地為小朋友想一想。