全職媽媽

全職媽媽 的小心聲

專欄

廣告

最近身體都好唔舒服,但媽媽永遠都唔可以病,特別係無請工人姐姐的 全職媽媽 ,病極都要自己一手一腳湊女,病極都唔可以訓係張床度無人煮飯無人執屋,病極都係要做。老公好好,幫好多,但始終他要工作,無理由做左八九個鐘野,我都忍心要佢打理晒所有家務(但其實老公真心幫左我七八成有多),婆婆公公都好好,有時會幫我睇柔謹,但始終不是一起住,我自己對於結婚後要獨立成家的概念亦很強,所以始終很多東西就是嘔到癲,頭暈到起唔到身都要頂。

 

我所講的不是要逞強裝偉大,而是想說所有東西都是等價交換,自己一手一腳湊孩子的苦怎樣都不及樂多。今天去上playgroup ,有孩子扭計,媽媽怎哄怎抱都無法安撫,然後媽媽叫了工人姐姐入來,看著小朋友跑去攬著工人姐姐,然後完全安靜下來的一幕,對於我來說是十分震撼的。我無法想像若果我是那位媽媽,我會多心酸多痛心。後來,全堂都是工人姐姐陪上,做手工、玩baby gym、吃茶點,都是工人姐姐陪著伴著,孩子也很開心很投入。直到最後,媽媽好像吩咐姐姐到樓下接大仔,嘩,姐姐一走,整個唱歌時段和bubble time,那個小朋友又崩潰到收不到聲,看著媽媽怎哄都無用的一刻,我真的感覺到原來「媽媽」可以只是一個稱呼,那孩子需要的「媽媽」好明顯是他的工人姐姐。

 

我感恩我和老公的堅持,令柔謹得到媽媽廿四小時的照顧,亦完完全全明白好多媽媽都身不由己,有那位媽媽會想對住老闆同事多過對著自己的孩子?所以這是個好難拆解的問題,唯一想鼓勵的是如果你跟我一樣當全職媽媽又無工人姐姐幫手,我相信我地都好明果種痛苦和累係咩一回事,但堅持堅持,係有回報,係絕對咁值得既!

 

而若果妳是在職媽媽的話,我或許無法明白每日可能只可以見到自己孩子三兩小時的相思之苦,但若果假日就真的好好把握可以自己親手落手落腳湊孩子的機會,他們大得太快,過左就真係無架啦!有姐姐都未必要每每倚賴,孩子真的跟得多就痴得多,好簡單的天然機制。

 

媽媽都是好厲害的,大家都背負著不同的苦,但再苦都是甜的,因為當媽媽真是世上最幸福的事。加油!

 

如果想更認識我們韋奇一家,就歡迎來到我們的Facebook Page “一三年夏天,嫁了去加拿大