澳門科學館 – 「恐龍活現濠江」

Jul 14 2016

親子活動，首選帶小朋友親親大自然，但夏天有時真係熱到傻咗!!!!!!所以間唔時都會安排室內活動俾大人小孩舒服下 😛

如果大家去開澳門，澳門科學館確實係親子活動嘅恩物。而且由宜家至9月11日，科學館更有特備展覽「恐龍活現濠江」。如果小朋友係恐龍迷，就一定要去睇睇 🙂

因為「恐龍」呢個特備展覽，科學館由門口直到展廳，周圍都充滿恐龍佈置。雖然野人已經無以前咁愛恐龍，但一見到「恐龍」嘅佢地，都即時上身 😛

令野人更興奮就係，一入展廳見到嘅「恐龍長廊」。一共有14種機械仿真恐龍，由三疊紀走到白堊紀。。。

全場令野人(特別令哥哥)最上身嘅就係見到最震撼嘅暴龍!!!!!!

場內另有片段介紹恐龍歷史，掃描恐龍骨、以及有得掘恐龍骸骨。

接下頁

近展覽館出口位置，仲有一個恐龍電子互動遊戲。

如果大家係星期六、日或公眾假期前往參觀，仲會有恐龍戲劇導賞、親子工作坊參加。參加時間可參考官網嘅時間表︰

恐龍戲劇導賞 (逢星期六/日分別有兩個唔同主題)

「恐龍活現濠江」親子工作坊

另外，天文館仲有兩個特備節目，分別係<<恐龍的記憶>>以及<<我的恐龍時代>>。

如果唔睇恐龍，科學館另有14個好好玩嘅恆常展覽館 (好玩過香港科學館 :P)。由地下入口位置，一直「向上」玩，玩到頂層就會玩齊14個展覽館。每個展覽館都有唔同主題，總有一個啱你小朋友玩 🙂

【太空科學廳】- 模疑太空總部、太空駕駛，操作太空「巡邏車」

【兒童樂園廳】- 玩得最耐就係呢個地方，小朋友可以做起樓工人 🙂

【兒童科學廳】- 主要玩水，小孩最愛

接下頁

【聲樂廳】

【DNA廳】

另外仲有好多好多其他館嘅設施都好好玩。。。

科學館最底層有小孩至愛「麥當勞」，另外仲有間不知名Cafe，售賣少量麵包、三文治、鮮果汁、咖啡，就算喺館內玩足全日都唔怕冇嘢食啦 😛 玩完科學館，記住喺館外同心型樹影張靚相先離開呀 🙂

「恐龍活現濠江」

展期 : 2016年3月23日至2016年9月11日

地點 : 2號展廳

關鍵詞

熱門文章