秋天好去處: 迪欣湖之拍拖, 親子, 野餐咩都得!

專欄

廣告

迪欣湖同廸士尼樂園好近,嚟呢度嘅唔單止有親子家庭來野餐, 既有拍拖的情侶, 影結婚相,畢業相,步行的老人家,踩單車的運動發燒友等等等...真係一個唔錯的地方。呢度既可以欣賞到大自然優美景色,如果有興趣的朋友亦可以參加活動中心提供嘅雙人及四人單車同划艇等水上活動,都可以算係是香港少有遠離繁囂的清休地點。

今次帶孖寶嚟踩下tricycle同比佢地野餐,可能weekend啦等車位都等咗好耐呀。再加上以家好早就天黑,所以玩唔夠一陣就開始入黑啦。

所以提提大家如果係就早d入來, 同埋自己駕車者仲要預多d時間等車位呀!

迪欣湖有全香港最大的人造湖,湖中心有個噴泉,射出來的水可以有成18米高呀,除咗野餐仲可以玩活動中心嘅雙人同四人單車,我地好多年前有玩過,呵呵當時好似都幾累下(對腳) ,不過都幾好玩而且四圍的影色一流。不過如果係陽光好猛嘅的夏天就可能都會堅係好熱喇!

當日眼見都有唔小人來取景攝影,婚紗相,畢業相,大家都影得好開心。

而且仲有唔少人都係呢個背山面湖的草地上野餐樂添呀!大家都出動私伙。

好多人都裝備十足,好似好正咁呀!

對我地嚟講呢度可以比孖寶認識大自然花草樹木,又可以睇到旁邊Mickey的MTR train經過,仲有可以比佢地睇到天上的飛機,雖然佢地未必會有好深印象,但可以係自然環境中切切實實咁認識更多,不是挺好嗎!

媽咪, 你影夠未呀?

順帶一提呢度有間裝修得好特別的7-11,佢係迪欣湖唯一的舖頭,除咗有飲品或零食之外,所有嘅活動服務,仲有泊車付款都要係呢度搞掂呀。泊車每小時係HK$25!

其實夜晚的燈光都幾靚呀, 又係另一番風味呢!

如何前往迪欣湖:

1/ 可乘港鐵廸士尼線到香港迪士尼樂園度假區交通交匯處

或乘巴士到逹青嶼收費廣場,再轉乘R8遁環線。

R8 香港迪士尼樂園度假區交通交匯處 青嶼收費廣場 (每日0600-2400提供服務,0900-1900之班次途經迪欣湖

2/ 又或者可以由東涌踩單車入迪欣湖都係不錯的選擇

迪欣湖地址:

香港新界大嶼山竹篙灣

迪欣湖開放時間

每日9am – 7pm

7-11開放時間: 每日9:30am – 6:45pm

腳踏遊覽車出租服務:每日10:00am – 5pm

我和孖寶的Facebook Page:荔枝與孖寶

我和孖寶的 Instagram IG#:laichimama

 

If there is any question or you looking for me and the boys, please feel free to contact LaiChiMaMa via Email:[email protected]

關鍵詞
迪欣湖