遺失iPhone?「尋找我的iPhone」功能幫到你!

專欄

廣告

大頭蝦既迪迪媽係日前出外搭的士🚕時,意外地漏左部手機📱係的士車廂入面,而且仲係一部得返1%電既⋯⋯

 

 

發現唔見左電話📱既時候,迪迪爸馬上開手機查下我部手機位置📡(iPhone既「尋找朋友」),當時顯示位置仲係附近,我左搵右搵都仍然未見!開始懷疑漏左係岩岩搭返屋企🏠部的士度,迪迪爸追出去🏃🏻‍♂️見下仲搵唔搵到岩岩部的士🚕,而我就湊住2隻小朋友👭返屋企先,放低頭先出街買既物品,同埋熟睡中既妹妹👶🏻

結果,當迪迪爸追出去🏃🏻‍♂️之際,手機上顯示的位置開始移動,馬上9秒9跑過去,但車🚕比人快,又點可能追得到😔,我地見住部手機坐標一直遊走,去到九龍灣就失去左聯繫,相信應該係用完最後果1%電而關左機了😭

雖然如此,但我地仍然努力尋求方法嘗試去搵返部手機⋯⋯

⭐️第一件事,搵的士台電話☎️

希望透過佢地既廣播📢可以搵到的士司機,請大家搭的士時務必要記住個車牌,或影低個車證,唔好學我地咁無記住個車牌🤦‍♀️!

值得一提既係,原來商台主辦左個「馬路的事 不容有失24小時免費的士失物熱線1872920」,只要打呢個電話☎️,佢地就會將我地失物既資訊傳比各個的士台,再由的士台廣播,7日內不定時不停廣播📢,一有消息就會通知你!

⭐️第二件事,開啟iPhone遺失模式

真係唔見電話先知道,原來iPhone既「尋找我的iPhone」功能,除左可以睇到Apple ID內所登記既手機即時位置外,仲有個叫「遺失模式」既物體。

我地可以透過iCloud或其他iPhone上既「尋找我的iPhone」,登入返我既Apple ID,可以即時GPS睇到手機即時位置,當然前提係要手機有電先啦🤦‍♀️

而「遺失模式」就係下方正中間,開啟後佢會叫你輸入可聯絡既電話號碼,以及留言訊息,完成後,只要遺失既手機能夠連接到網絡或WiFi📡,手機就會鎖定變成磚頭機,屏幕會顯示我地輸入既訊息同電話號碼,對方只可以用部手機撥出我地輸入既電話號碼☎️。

而鎖定左既手機,只可以用我地平時開機既密碼解鎖,否則即使你換sim卡,即使比你重置🔧左部手機,再開機連接到網絡或WiFi📡之際,部手機仍然會處於鎖定狀態🔐!

仲未完,頭先咪話話可以睇到既時位置既,如果位置更變,其實仲會有E-mail📩通知你!

換句話講,即係無論如何部手機📱都無法係鎖定狀態下,被第三者使用或轉售💰,iPhone 呢個功能真係值得一讚👍🏻

以上既資訊,係迪迪媽進行第三件事時先知道⋯⋯

⭐️第三件事,致電Apple熱線

打去比Apple,除左問到頭先講既資訊外,佢地都會登記返你既情況,提供可聯絡既電話📞、serial no.、email等等。

另外,有一件事係熱線小姐不斷提我要小心既⚠️,就係小心釣魚E-mail,或詐騙電話📞,因為有不法分子可能會用呢d方法拎到你既個人資料📋,若然手機密碼或Apple ID比佢地知道,不但手機拎唔返,仲有人試過遺失電話後個新機📱,但比人拎到個人資料,結果舊機連新機都比對方鎖埋🔒,仲比人勒索,要比錢先開得返機,所以一旦遇到可疑電話或E-mail📩,千萬唔好比個人資料呀!

⭐️第四件事,去最就近既警置報失🛂

報失時記得帶埋身份證同埋mark🖌低個serial no.,去到報案室佢地會比份表📝你填,姓名、電話、地址、身份證,以及遺失物件詳情,如遺失物件既時間、地點,失物既牌子、型號、顏色等,如果有手機套或殻都要列明!

然後就係等警方登記你填既資料,同埋警方可能會問一d有用既資訊,最後會有張報失紙比返你,上面有報失編號,同報失既資訊,咁就完成了!

⭐️最後一件事,通知屋企人👨‍👩‍👧‍👦

一來怕屋企人搵唔到自己,二來怕電話萬一被使用時,可能會有人打比佢地啦!

然後就係漫長既等待,等電話,等有人話我知話搵返個電話📱⋯⋯

終於去到當晚半夜3點,有人打比迪迪爸話約時間拎返電話,好在搵得返,迪迪媽唔會要人白忙一場,親手寫左張聖誕連感謝咭💝,仲放左少少報酬入去,拎完電話件事,終於完了!

我絕對絕對⋯⋯唔會比呢件事再發生,真係嚇餐飽了🤦‍♀️

Facebook: 迪迪媽の生活誌