【親子好去處】大澳文物酒店 Tai O Heritage Hotel #CheckinTaiO親子住宿計劃

【親子好去處】大澳文物酒店 Tai O Heritage Hotel #CheckinTaiO親子住宿計劃

去大澳次數唔多,但就每次去都好想入住大澳文物酒店,今個暑假終於一家人入去住咗晚,整個旅程只可以用兩個字嚟形容「輕」同「慢」,因為酒店暑期全新推出的#CheckinTaiO親子住宿計劃,真心住得舒服玩得輕鬆。

大澳文物酒店

我哋一家最鍾意去人少的地方,因為可以真真正正一家享受親子時光,避免排隊之苦,或者跑Schedule之累。好似大澳呢個地方,我哋特別鍾意,雖然假日人多,不過如果揀啱時間同埋識行,都係可以好自在。

而我一直都好想入住大澳文物酒店,話哂大澳都叫「東方威尼斯」,今個暑假酒店首次推出 「#CheckinTaiO親子住宿計劃」,經過呢兩日一夜,我夠膽話今次旅程超舒服開心,值得推介係大家。(包無介紹錯)

大澳小艇遊

其實去大澳文物酒店好簡單,如果由水路去大約3分鐘就到,每位$10,去到最出名的藍色橫水渡大橋位置就會見到有得搭。

陸路就可以過埋吊橋行到去匯豐ATM位置轉左,見到大澳街巿繼續直行,入去村路直走大約20分鐘就到。(文末會有相介紹)

坐在船頭欣賞靚景

哥哥同芊芊好興奮可以坐喺船頭欣賞靚景,不過艇仔離開咗大澳巿中心後,就要番埋去船座位上坐,因為之後艇仔會加快速度。

望緊旁邊棚屋群的哥哥

哥哥一邊望住好靚嘅棚屋群,芊芊就一邊食緊西北風。

 

食緊西北風的芊芊

話咁快就到咗碼頭,喺艇上面影上去文物酒店,真係好有古堡Feel。

碼頭

今日天氣超好,藍天白雲靚到冇人有,不過順便一提,雖然岸邊有小沙灘,但都唔係咁適合游水,好多沙石同貝殼容易割損手腳。

今日天氣超好

 

 

反而呢個位置欣賞日落係最正,仲靚過喺大澳碼頭嗰邊嘅海濱長廊喔!

 

欣賞日落的最佳位置

 

#CheckinTaiO親子住宿計劃包括:-

– 入住酒店特級雙人床房一晚連Tai O Lookout精選家庭式共享早餐及晚餐(2位成人及1位小童) – 大澳文物酒店索繩背包,附送繪畫簿及木顏色筆

– 貝殻相框工作坊

– 大澳文物酒店導賞及乘坐小艇欣賞漁村景色

– 到棚屋細聽大澳居民分享漁村歷史及生活點滴

– #CheckinTaiO 工作紙及尋蹤遊戲,沿着地圖遊覽大澳10大打卡點

– 完成整個旅程的小朋友將獲頒大澳文物酒店證書及紀念品一份

大澳文物酒店

正常3點鐘到達先去Check-in,我哋就早咗到達先放低行李。
大澳文物酒店前身係舊大澳警署,已經有116年歷史,今活化成為眼前好重古典味道的酒店,身處呢個地方,都立即覺得時間停頓咗,感覺要慢慢的享受細味每個體驗。
舊大澳警署建於1902年,被評為二級歷史建築,因為當時香港係英國殖民地,所以有好重19世紀晚期古典建築嘅特色。

 

大澳文物酒店
大澳文物酒店

舊大澳警署由三個部份組成:一座兩層高的主樓及附屬建築,同埋後期增建的一層高樓房,都係典型的殖民地風格建築。

地圖

所謂活化即係盡量保留番舊有建築,復修重整時,妥善保留了大炮、探射燈、看守塔、儲物室及泥封已久的地堡等特色。

好似呢個Reception接待處,前身係報案室嚟架,仲有兩個覊留室「臭格」用嚟囚禁罪犯。

芊芊話「有請!」

有請!

當年舊大澳警署的警察歸水警管轄,所以哥哥戴起寫上「Marine Police」字的帽同警棍扮差人,BTW點解扮犯人的都咁開心,哈哈~~

哥哥戴起寫上「Marine Police」字的帽同警棍扮差人

Check-in時小朋友會獲派發一袋小禮物,裡面有工作紙、尋蹤遊戲、繪畫簿及木顏色筆。

小禮物

因為我哋比較早到,所以先上去餐廳食個Brunch(註:不包括於住宿計劃內)。

去餐廳食個Brunch

餐廳位於二樓,前身只係俾警員用嚟掠衫的天台,今已改建成全玻璃的優雅餐廳喔!

 


點解餐廳名叫”LOOKOUT”,因為前身這裏有兩個看守塔, 作水警監視海盜之用,所以就為今日餐廳嘅名字。

LOOKOUT

 

全玻璃的建築配合日光照射,令整間餐廳都非常光猛而不曬(因為窗外方向對正南面),係全天然的環保設計。

環保設計

仲有幾把吊扇同一部鋼琴,令餐廳額外增加唔少古典味。

吊扇

坐近窗口位置,可以飽覽成個無敵大海景,真係無得輸。

無敵大海景

唔好以為只係睇得,呢度食物質素都好高,價錢跟一般酒店餐廳差唔多,但講到尾最緊要好食。

Menu
Menu

等侯食物期間,小朋友安安靜靜的畫畫,大人就可以輕鬆自在地享受悠閒時間。

小朋友安靜的畫畫

呢杯係用上大澳特產的「紫貝天葵蘋果」飲品,咁熱天氣飲落去真係透心涼,酸酸甜甜,感味道有D似洛神花茶配上蘋果汁,感覺好Fresh,值得一試。

紫貝天葵蘋果

點了好幾個美食喔!心心眼…超好味係蝦醬雞翼,另外有蝦醬豬扒飽同一品炒飯,炒飯夠乾夠爽,兩個食到一粒飯都冇剩。仲有同樣用上紫貝天葵的雞蛋仔配雪糕,都好有風味。

美食

但係最吸引都係….雪糕!睇嚟廚師哥哥以後諗兒童餐唔駛咁頭痛。

最吸引小朋友的食物是雪糕

住宿計劃的行程非常輕鬆,只有下午4:00有一個「貝殻相框工作坊」,務求令所有入住家庭享受這裏的環境,而唔係匆匆忙忙的跑景點,真正享受親子時光。
我哋先到「羈留室」拎番行李入房。整個酒店只有9間大小不同的房間,我哋入住嘅係「特級雙人床客房」

去「羈留室」拎番行李入房

房間內全以粉藍色及白色為主調,設有兩張雙人床、一張書枱同埋有個梳化Corner,最適合一家人夜晚喺度玩下Board Game睇吓電視。

特級雙人床客房
Board Game
書枱
兩張雙人床
芊芊
哥哥

同一般酒店一樣,都附有小雪櫃,有各樣收費飲品。

小雪櫃

仲有部Capsule機,可以俾咖啡精第朝飲杯醒晨咖啡。(免費)

Capsule機

房間牆上都掛滿好多舊大澳特色風情照片。

掛滿舊大澳特色風情照片

浴室唔好講笑…係超大! 跟房間一樣寛闊。

浴室

浴缸跟淋浴花灑裝置同一空間,如果要幫小朋友沖洗肯定唔會逼。

浴缸跟淋浴花灑裝置同一空間
浴室用品

所有設備感覺跟一般酒店好不一樣,充滿優雅氣色。

充滿優雅氣色

我最鍾意浴缸的花灑﹐佢好像舊式電話聽筒安放着。

浴缸的花灑

工作坊未開始,我哋先喺酒店附近周圍逛逛打打咭,十分優閒。

 

在酒店附近周圍逛逛打打咭
酒店附近周圍逛逛打打咭

酒店外圍有好多休憩位置,如果幾個家庭入住,最適合一齊坐低吹吹水。

有好多休憩位置

酒店旁邊有小樓梯行上這個像小樓台的位置,可吹吹涼風休息一下。

好多休憩位置

由小樓台望向酒店餐廳位置。

由小樓台望向酒店餐廳位置

另外酒店房間外有一小荷花池,亦都係打咭好位置。

小荷花池
小荷花池

其實酒店都係對外公眾開放,巿民可以於早上11點至下午6點上來參觀。

巿民可以上來參觀

酒店建築以至一房一門,邊D係保留舊有建築,邊D係全新設計安置嘅呢?大家嚟到都不妨同小朋友玩個小遊戲估一估。

酒店建築

我希望帶小朋友嚟唔單只係入住一晚咁簡單,希望都俾佢哋認識一下歷史文化,同埋大澳魚村風俗人情。

酒店建築
酒店建築
酒店建築

同佢哋兩個散過步後,就上到餐廳對開的戶外位置,開始「貝殻相框工作坊」

貝殻相框工作坊

兩個一向都好鍾意做小勞作仔,見到咁多唔同顏色嘅彩石,對眼好似發哂光咁。

好多唔同顏色嘅彩石
貝殻相框工作坊

職員先同我哋喺酒店範圍影相,然後立即打印出嚟同設計相框。

貝殻相框工作坊
哥哥的完成品
芊芊的完成品

在不匆不忙的時間內完成咗自己的心愛相架啦!(而且幸好佢哋都唔係鍾意同一張相…呵呵~)

心愛相架

完成後番房休息一下(竟然還可以有1小時多可以來個小睡),然後睇過天文台資料,我哋大約7:00先至落到去碼頭睇日落。

去碼頭睇日落

雖然多雲,不過隱約都欣賞夕陽的美。BTW 哥哥同芊芊問「幾時可以番入房呀…」(掃興兒童)

多雲但也能欣賞夕陽的美

佢哋眼中只係望到遠處的飛機同船隻…(無奈)

掃興兒童

入夜後,酒店四圍亮起燈來都非常美喔!

酒店四圍亮起燈

 

我哋番房沖個靚涼,再上去食晚餐。芊芊問點解咁少人…(因為我哋好夜先上嚟食!哈哈~)

去食晚餐

幸好餐廳營業到10點,我哋還係可以悠閒咁享受晚餐。

去食晚餐

我哋分別點了兩個兒童餐及一份大人晚餐同一份BBQ餐。

晚餐凖備中
哥哥的晚餐
芊芊的晚餐
晚餐
晚餐
晚餐

味道都好好,加上呢個安靜環境,真心食得舒服。

晚餐

食到飽飽之後,細路就入房玩同睇電視,我去咗邊….我好興奮喺房外面捕星星呀,真係在零光害之下,居然喺香港都可以睇到咁多星星,連我自己都嚇咗一跳。

捕星星

本來都識睇少少星座,但係依家咁多粒我反而唔知邊粒打邊粒,哈哈~~~

捕星星

影咗我成粒鐘,番到入房佢哋仍然睇緊ANGRY BIRDS!

ANGRY BIRDS

請問呢個係咩姿勢?乜咁樣睇電視舒服咩?

奇怪姿勢

到咗第二朝自然醒…真係好耐未試過,然後「脂油淡定」上去餐廳嘆早餐。

去餐廳嘆早餐

超豐富的早餐配搭。

超豐富的早餐配搭
超豐富的早餐配搭

仲有個奄列配炸薯餅 YummyYummy!

奄列配炸薯餅

食過早餐之後,我哋就一齊拎住工作紙玩尋蹤遊戲,由土生土長的大澳原居民Alvin哥哥(保育主任)帶住我哋,介紹舊警署活化前後的各大景點。

介紹舊警署活化前後的各大景點

原來這個探射燈除咗水警用嚟監察海面情況,仲特別用嚟照射防止偷渡客入境。

探射燈
導賞中

就在餐廳對外(即工作坊的位置)有着一個看守塔,不過因為呢度好多蚊,所以聽講話邊個警察唔聽話就要駐守呢個位置當徵罰之用。

看守塔
大澳文物酒店
大澳文物酒店

呢個係復修後仍保留嘅大砲遺址,聽Alvin哥哥講原來佢都唔算得上大砲,只係起阻嚇作用吧。

大砲遺址

整個導賞也只不過半個鐘,唔駛怕小朋友冇耐性聽,恰到好處!然後跟住我哋就離開酒店,坐小艇觀光同到棚屋原住民家參觀。

坐小艇觀光到棚屋原住民家參觀

在兩邊棚屋中間穿過,風景真係好靚,打咭打到我手軟。

棚屋
棚屋

我哋上到其中一戶棚屋居民來敏叔家,細小的木橋,兩旁的鐵皮寮屋,全係大澳棚屋的傳統特色。

棚屋居民來敏叔家

一去到人家睇見有張吊椅,就走埋去當佢韆鞦咁坐,真係好失禮…

吊椅
吊椅

我哋大家都同樣有一個疑問,點解支撐住棚屋的木咁堅固,打風落雨水浸都仍然唔欄,原來佢哋就係用緊呢一隻木材 –坤甸木,呢種木頭係來自百年漁船的骨幹,就連「新基橋」都係用呢款木材建造。

坤甸木
坤甸木

芊芊影呢相嗰陣頂唔到好耐,因為塊木頭都幾重架!

塊木頭都幾重

仲有唔好睇少呢條木路軌,當打風落雨嗰陣用嚟趟門,就算打住10號波都擋得住。

木路軌

逗留咗大約半個鐘,然後就開始到大澳10大打卡景點玩尋蹤遊戲!

開始遊戲

我哋預先打開地圖,同小朋友看看整個大澳巿的各打咭位置。

 

打開地圖
地圖

跟住Alvin哥哥仲帶我哋到沙仔面的一個隱秘景點打咭,佢話好多入嚟大澳的朋友都唔會發現呢個位置,因為佢哋都以為係原居民的居住範圍唔敢入去。

隱秘景點打咭

沿住木橋行入去,見到「三涌北」同「沙仔面」的小標記。

三涌北,沙仔面
沙仔面

一直向沙面仔方面進入,穿穿插插木橋小路。

 

木橋小路

看見前面藍色的木棚,就係打咭景點所在。

 

藍色的木棚

 

喺呢度可以離遠望向「新基大橋」,小朋友可以提前打咭,將貼紙貼在工作紙上。

望向「新基大橋」
美麗景色

風景真係好靚,幸好可以到此一遊。

美麗景色
開心的小朋友

天氣真係太熱,我哋途中經過棚屋屋主的舖頭,幫襯婆婆買咗幾支地道飲品,佢用咗桃膠配合雪梨、檸檬、黑加侖子、芒果等,做成好解渴嘅飲品。

 

解渴嘅飲品
解渴嘅飲品

大家如果到大澳遊都記住嚟「來敏記」幫襯買番支呀!

來敏記

然後我哋再到藍色橫水渡大橋,大澳最出名嘅打咭點喔!

 

橫水渡大橋
橫水渡大橋

永安街周圍都會見到海味店,都係大澳最著名的特色。
咁大條鯊色皮…Amazing

大條鯊色皮
海味店

去過大澳的朋友,應該都實見過呢D曬乾咗嘅雞泡魚。

雞泡魚

芊芊未見過咁大舊冰,即刻超開心不停摸。

巨冰

就算唔係工作紙上的打咭點,都好值得打咭喔!(我最愛呢類特色小店)

特色小店

另外大澳最出名的滷水大墨魚,大家又試過未呀,真係好爽好入味架!

 

滷水大墨魚
好味

由於有天后誕活動,所以廣場搭咗棚架。

天后誕活動

大家又有冇試過地道的「蝦豬餅」呀,個名咁得意,原來係「Husband」譯過嚟。

蝦豬餅
有趣的人形板
七隻小矮人
棚屋
塗鴉
塗鴉

大澳另一家最出名嘅沙翁店,不過今日太熱…就唔試住喇!

沙翁店
草花頭

終於去到新基橋啦!喺橋上面可以睇到橋底好多彈塗魚同埋小蟹。

新基橋
新基橋
新基橋
新基橋

只剩3個打咭景點,中途我哋就小休一下,去嘆馳名嘅豆腐花。

豆腐花

我哋坐喺外面吹住涼風食住冰凍豆花,真係好正!

豆腐花
豆腐花

最後我哋去到大澳街巿附近的小路,準備到大會堂及蝦醬廠景點

(即係開頭曾講過可以由陸路行入去酒店的這個位置)

去大會堂及蝦醬廠景點

沿途見到更多風土人情,曬鹹蛋曬鹹魚幾乎家家都有。

 

曬鹹蛋曬鹹魚
曬鹹魚

行大約5-8分鐘就到大澳大會堂,旁邊更有個兒童遊樂場。

大會堂

 

石灘

今日天氣實在太熱,行下行下我哋中途站又補充下體力食個冰菠蘿同冰西瓜。

冰菠蘿同冰西瓜
兒童遊樂場

 

再行前少少已經傳嚟一陣陣蝦醬味。

指示牌

繼續再往前行,幾乎到大澳文物酒店,就會見到「勝利香蝦廠」,喺酒店食到嘅蝦醬炒飯同雞翼嘅蝦醬,就係出產自「勝利香」架啦!

勝利香蝦廠
勝利香蝦廠
勝利香蝦廠

 

我哋都幫襯買咗2樽蝦醬番去送俾婆婆同嫲嫲。

回到酒店
證書

最後往前行多2分鐘就番到酒店,休息一下再取回行李同證書,坐艇仔番去巴士總站離開啦!(可以叫酒店代勞Call艇)

離開大澳

Photo bySony A7IIIFE 28mm F/2

想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分:10

呀劍評語:絕對係一個輕鬆住宿體驗之旅,由Check-in至離開,每一個行程都充份俾住客真真正正的休息,而且可以在旅程中又認識到大澳歷史文化,亦都可以話係一個學習之旅。

而且無論由大澳的大街小巷至酒店古舊建築,都充滿風土人情,絕對係打咭首選。
職員上下都服務細心,態度友善,我真係要打個滿分。

地址

香港大嶼山大澳可仔埗街
推廣日期

即日至9月2日止
收費

$2580起
兩日一夜的精彩行程包括下列項目

– 入住酒店特級雙人床房一晚連Tai O Lookout精選家庭式共享早餐及晚餐(2位成人及1位小童)

– 大澳文物酒店索繩背包,附送繪畫簿及木顏色筆

– 貝殻相框工作坊

– 大澳文物酒店導賞及乘坐小艇欣賞漁村景色

– 到棚屋細聽大澳居民分享漁村歷史及生活點滴

– #CheckinTaiO 工作紙及尋蹤遊戲,沿着地圖遊覽大澳10大打卡點

– 完成整個旅程的小朋友將獲頒大澳文物酒店證書及紀念品一份
交通

前往大澳文物酒店之交通安排:

1. 由香港國際機場出發:乘坐S線穿梭巴士往東涌,車程約15分鐘,然後於鄰近東涌地鐵站的東涌市中心巴士總站轉坐11號巴士往大澳,車程約50分鐘

2. 由香港中環出發:於中環6號碼頭乘坐高速船至梅窩,船程約35分鐘,然後於梅窩碼頭巴士總站乘坐1號巴士往大澳,車程約55分鐘

3. 由屯門出發:於屯門碼頭乘坐渡輪前往大澳,並途經東涌及沙螺灣之渡輪,船程約60分鐘。抵達大澳後,可乘坐2分鐘的快艇或由大澳巴士總站步行約20分鐘前往酒店。
備註:大澳文物酒店不設泊車設施。另外,東涌道(石門甲道以南)及嶼南的所有道路已被劃設為封閉道路,任何人士如需駕駛車輛進出東涌道及嶼南的道路,必須持有由運輸處發出的有效「大嶼山封閉道路通行許可證」,並遵照封閉道路通行許可證上所載的使用條件。 抵達大澳後,可乘坐2分鐘的付費快艇*或由大澳巴士總站步行約20分鐘前往酒店。 *服務須視乎實際情況而定 (一般為早上11時至下午5時) 如在交通安排上有任何需要,歡迎致電+852 2985 8383與我們聯繫。

Image - transportation
預約電話

2985 8008
官方網站

https://www.taioheritagehotel.com/tch/homepage/Homepage.html

(以上資料更新至文章當日)

更多精選內容