【ONE PIECE水上樂園】 海賊王 夏日激航狂歡世界
之前睇朋友仔介紹,見大部分都係成人遊戲多,當初我都係考慮到係唔係啱仲有十幾日就六歲嘅小小豬玩呢?
經我同負責人了解之後,原來以小小豬夠90CM又係六歲嘅小朋友都有兩個大滑,同埋幾個彈彈床,仲有啲攤位遊戲係可以玩,所以我地三口子就GO…GO…GO,向中環核心外圍進發,入去玩餐飽啦!
由於DADDY怕小小豬又嚟懝似中暑,所以避左個大熱頭,選擇下午四點晏少少入場,咁都好…冇咁曬玩得投入啲嘛~
續下頁
離開KidZone就即刻見到有大會職員不停用水槍射水,原來佢地原本有一個水槍專區「山治X卓洛水槍大戰」,不過因為地方範圍較細,可以玩嘅人唔多,所以依家就改為全場有職員同遊人任射水,更加互動可以係大熱天為大家降降溫~
不過,唔知點解小小豬係倒轉左個水泡咁瀡落嚟,所以佢都話想玩另一個滑梯(可能真係有少少驚就真),於是我地就轉戰另一個小朋友滑梯。
其實依個就係四關卡最後一部分嘅『芬奇超Super鐵人滑梯』(只限6歲以上玩樂),不過大會為左令小朋友可以有更多水上遊戲玩,所以就將其中一個改為俾小朋友玩。小小豬都不知幾愛依隻滑梯,來來回回瀡左十次有多呀~
原本好想再玩多好幾轉,不過就係依個時候我發覺我對CON其移左位,可能瀡落嚟時個水力太大影響到(應該係我自己CON問題,同場朋友玩完全冇依個問題)。原本以為帶CON玩水方便啲,點知…….望住想玩但又冇得玩嘅滑梯,都有丁點失望呀!
其實我真係勁…勁….勁想玩依個有90度直角嘅『奈美沖天滑翔梯』(只限18歲以上仕玩樂),不過剛才甩CON事件攪到我有少少驚,所以都係乖乖地企定定睇人玩啦~
續下頁
小朋友仲可以去『三角帆前進號』(只限6歲以上玩樂),入面其實就係一個小迷宮~
我地三口子玩左都有三個鐘,其實貪玩豬都真係唔多夠喉,因為佢真係好鐘意玩嗰兩條滑梯。不過….見佢嘅體力係完全冇電狀態,所以都係早啲返屋企大覺瞓好啲啦!
More Information :
One Piece Summer Carnival
日期: 2016年7月8日 – 8月7日
地點: 中環海濱活動空間
門票: 基本入場費:$50
全日Pass 周一至五 成人$400 小童$200
周六日及公眾假期 成人$500 小童$300
Night Pass 每日由下午六開始 ***今日開始***
逢星期一至五,推出$250 Night Pass (只限現場發售)
逢星期六、日,推出$350 Night Pass (只限現場發售)
可享全日通同等優惠
Website:http://www.onepiececarnival.com