做酵素,不如做特飲

做酵素,不如做特飲

之前興起一陣自製水果酵素熱,聲稱有排毒美顏功效,後來有營養師質疑水果酵素的成效,唔單止未能排毒,還會令糖份超標,處理不衛生仲會食物中毒。唉!何苦?只不過是健康飲品,有必要弄場大龍鳳,又要苦苦呆等三個月先有得飲?

我心目中的健康飲品很簡單,幾個生果、一杯奶、幾匙蜜糖,幾分鐘,搞掂!

這是我家夏天必做的生果特飲,而且每次都會請兩隻嘩鬼幫手,小朋友入廚房搞搞震,有得食有得玩,是個不錯的親子節目。

事前我會請小朋友自己選定喜歡的生果,香蕉、芒果、士多啤梨,幾乎是必選Item,製作飲品時可以單併也可以Mix & Match。製作過程極簡單,將所有生果放入雪櫃雪到涼浸浸,然後將生果取出,用一支電攪拌捧或放入攪拌機將生果打爛,加入兩杯鮮奶(有乳酪的話也可加一兩匙),再以一兩茶匙蜜糖調味,That’s it!

全部材料新鮮健康,而且非常美味,連我們大人也忍唔住要飲番杯。

你仲浪費時間做酵素!?

你又點睇?

更多精選內容

There are no comments

Add yours