元朗 高質日本菜

今次再戰元朗 Yoho Mall ，因為發現呢度真係開左好多新既餐廳，間間都幾有特色，好好店名都第一次見，唔係全部都熟口熟面既連鎖餐廳名，所以特別鐘意過黎食飯！

上次試完西餐，今次要介紹既呢間就係我同強哥既至愛「日！本！菜！」ANA TEN 天穴，大家都知日本菜真係我地既最愛，今次呢間ANA SUSHI係高質新派日本餐廳，有幾個dish都好特別，值得一提！

先黎一個刺身拼盤，絕對係一個好新鮮既刺身platter，有八款刺身在內，係一個不錯既starter，之後試左佢地出名既一個黑松露甜蝦卷，我個人好鐘意黑松露既任何野，所以呢個都唔例外，黑松露跟甜蝦出奇地夾，是必點之選！

之後兩個料理都係外邊比較少見到既，餐廳堅持用新鮮既吞拿魚腩做成呢兩個脆脆地好有天婦羅feel 既蔥吞拿魚腩簿脆和蔥吞拿魚腩天扶良卷，我地第一次食到一個咁脆又咁有魚腩脂既一個mixture，very impressive!

而最後就不得不提呢個松葉蟹蓋海膽石鍋飯，加拿大黎既海膽唔苦好鮮甜，加埋個蟹蓋既蟹肉，好滿足啊🤗

今晚短短一個鐘多少少既二人世界真的好滿足啦，激跑返去接兩小