【和牛媽媽】面對Terrible3 媽媽最常忍不了口嘅說話

當小朋友進入兩歲茶煲二之後,小朋友就經常挑戰大人嘅底線。以為順利渡過Trouble 2(茶煲二)之後,可以鬆一口氣…原來Terrible3(茶煲三)嘅細路會將行動升級…除咗行為、動作都會不停挑戰大人底線。作為父母嘅你,呢場育兒持久耐力戰,你還守得住嗎??

撰文&圖片:和牛B的成長日記 | 編輯:Chloe

面對 Terrible3 媽媽最常忍不了口嘅說話

我實在守不住了,所以我經常講咗以下嘅說話;

「行快啲啦!」
「我數三聲,你好即刻同我…!」
「你好即刻同我…」
「我叫你好停啦吓!」
大叫「小朋友全名」N次…

又或者係,我改不了口嘅「唔好乜乜乜」。

「坐定啲啦,唔好再郁!」
「你可唔可以唔好咁曳!」
「你可唔可以乖啲呀!」
「你唔好再…!」

「點解叫極你都唔聽我講嘢,你要我講幾多次?」

其實,之前睇過唔少文章,都建議家長盡量講「不如你…乜乜」取代「你唔好…乜乜」。

但我發現已經進入癲狂狀態嘅父母,要好冷靜咁講「不如你…乜乜」代替「你唔好…乜乜」,真係好有難度。

或者咁,下次見到小朋友叫極都唔停。唯有大大力深吸呼,停一停,諗一諗先再開口啦。

父母共勉之,一齊努力!

————————————————-
Facebook專頁:和牛B嘅成長專頁

你又點睇?

更多精選內容