自問係一個“骨精”，以前每星期最少都會去通淋巴或按摩一次，不過有BB好多時都會顧忌，就算真係好累忍唔住想按下都未必有人做你生意，因為怕有咩風險要負責，所以我足足忍左7個月＞＜
不過開始踏入懷孕後期，腰骨要承受既壓力越來越大，腰背真係會好累同痛！最近終於有人介紹一間專為孕婦提供按摩同其它服務既中心，實在太開心喇！我即刻就Book左試做，去爽下先^^
首先唔係幫佢賣廣告，不過技師手勢真係冇得頂，實在好舒服（本來諗有得按下都已經好好，冇咩要求）當然暫時只試左一個技師（其他就唔清楚喇！），另外就係佢地既床係專為孕婦設計，可見圖片床中間位置係有個空位，所以大肚婆都可以扒係度按唔怕壓到BB，真係好爽！（因為一心諗住只係可以側臥）
當然市面上一定有其它提供孕婦按摩既中心，不過個人認為最緊要搵一間較大規模同專業既，BB既安全最緊要！各位媽媽有興趣可以試試。
