小病是福
廣告
七月九日開始,呢個小朋友就已經開始放暑假,作為雙職媽媽既我,我只能盡量將所有工作安排到星期六日以及平日夜晚(爸爸放假時間或佢瞓咗既時間)同埋帶佢返公司做嘢,希望可以能夠陪佢多D。暑假開始前,已經有了計劃希望今年可以帶佢去游多D水,因為Shaun Shaun一向氣管唔係太好,所以希望同佢游水可以段練一下肺功能。
呢十日我哋只係游到兩次水,因為上星期五去完書展第日佢就病咗,第一日就係肚疴至第二日先發燒,呢幾日D燒時無時有!有人話呢排D菌好勁,都係既,因為一打開Facebook都見到好多小朋友病咗!但其實我覺得小朋友病係好正常既事,如果唔係發高燒,仲肯玩及精精靈靈既,小病都係可以增強佢既免疫力,所以我都唔係太擔心,我亦唔想比自己太大壓力,盡咗力照顧到佢好返,就可以了!