新年親子好去處

【新年親子好去處】DIY鐳射切割賀年糖果盒 學STEAM自己畫圖設計

專欄

廣告

新年將至,小小豬就已經叫我為佢準備啲賀年糖果,仲叫我搵一個小盒嚟放佢嘅糖果,等佢用嚟接待佢嘅客人。剛好收到DIY鐳射切割賀年糖果盒工作坊邀請,既可以自己設計又可以學習STAM原理,所以就同小小豬嚟試下整返個靚靚糖果盒啦~

撰文:小小豬Kinsey|圖片:小小豬Kinsey|編輯:KM

【新年親子好去處】DIY鐳射切割賀年糖果盒

我地就係嚟Inno Space知創空間,學習利用鐳射切割機做一個獨一無二嘅木製賀年糖果盒~

第一步就係要小小豬自己設計盒上面嘅圖案~

完全零藝術天份嘅小小豬平日叫佢自己設計畫圖畫真係好似係苦工,不過今次又一反常態,超合作兼勁快手就設計好晒。佢話自己係豬仔,加上又係豬年,所以畫晒啲豬就得,總之就係….豬。。全部都係豬….哈哈哈~

之後就可以將圖畫SCAN入電腦~

係電腦入面就可以再加多點設計,為盒仔作最後嘅扮靚靚~

小小豬最後嘅完成圖,佢再加多左啲揮春,多左好多新年氣氛哦~

最後就可以將木板放入鐳射切割機進行打印同切割啦~

係依個時候負責叔叔就會好有耐性地解製作當中所涉及STEM原理,雖然小小豬都可能未明白得晒全部,但佢都乖乖聽書,所以都有學到少少嘅~

為左要睇住個製成品誕生,小小豬都八卦豬咁企定定係部機旁邊。當見到有少少圖案打印緊嘅時候,佢都不知幾興奮咁尖叫出嚟(真係俾佢嚇C呀…哈哈哈)~

打印好晒就會自動變成切割木板啦~

所有組件切割完成後,就可以進行下一步驟~

看似好簡單嘅組裝,但原來都有少少難度,因為每一位準位都要夾得好準,而且都要用少少力去砌~

好在有叔叔慢慢教導同幫忙,小小豬都叫做可以係半幫半做下完成~

最後就嚟到上色,小小豬話個盒身圖案印得好靚唔洗再加顏色,所以就集中為個盒蓋塗上顏色啦(好明顯係一個懶塗顏色的藉口….哈哈哈)~

小小豬自己設訐嘅賀年糖果盒真係大功告成啦~

認真的…..四面都真係幾靚嘅,不過個盒蓋就………….,但既然係佢自己一手一腳嘅設計,佢自己又非常滿意,咁我都應該學懂欣賞佢嘅藝術風格~

其實我都真係幾鐘意同小小豬參加依啲工作坊,一切由零開始,再到見到件完成品,嗰一個滿足感真係幾好。當然…係製作過程仲學到啲新科技知識,同埋又可以訓練下專注力,真係啱晒我「遊戲中學習」嘅宗旨。
嚟緊都會有工作坊舉行,有與趣朋友仔可以到以去官方網址睇下活動詳情(適合8歲或以上小朋友參加)。

 

對象
適合8歲或以上人士參與 (參與者可偕同2位親友出席)

名額
8個家庭

費用
$388 (包所有材料、工具借用及簡單包裝)

上課日期及時間 ( 二選一 )
1月19日 下午1:00 – 下午3:00

1月26日 下午1:00 – 下午3:00

上課時數
2小時

More Information:
Website:https://www.hkpcacademy.org
Facebook:https://www.facebook.com/hkinnospace