母親節特別版太陽花裙

專欄

廣告

Keicy 同 Kassy 話太陽花好靚,所以送咗一大扎畀我!

呢份母親節禮物咁特別咁有心思,梗係鍾意啦!

Keicy 同 Kassy 話鍾意 Frozen 入面 Anna 最新嗰條裙嘅顏色,所以就揀佢嚟包住黃色嘅太陽花。

我靈機一觸,即刻知道點樣將扎花變成一條裙!

喺深水埗買咗藍色嘅色丁布,再喺入面加軟魚骨,做到一把雨傘咁拱起,令條裙唔會凹落去同軟淋淋,所以倒轉咗都可以成扎花咁樣捧住。

而底部就用針線穿啲花上去,再用熱熔膠槍固定。
一掀起條裙就會見到好多朵太陽花,總共大約一百朵。

靈感嚟自Keicy同Kassy嘅母親節特別版太陽花裙,帶畀我一個精采、窩心嘅母親節!

喺度祝全世界嘅媽媽,母親節快樂!