父母學會放手。孩子學會獨立 | 第一次的戶外訓練營

野仔今年二年級,我都開始放手俾佢哋自己去做、去試更多嘢。好似前排兩隻嘢就參加咗AcmePro嘅戶外訓練營,無我同虎爸嘅陪伴下,去咗佢哋人生第一個Wild Camp!!!!!其實本來我都有諗「兩隻嘢未試過去Wild Camp,第一次去就要自己去,得唔得呀👉🏼👈🏼」但又諗唔真正試下我哋兩老唔在場,又唔算真正「放手」喎,而且最重要見到AcmePro無論喺搞親子營或小朋友訓練營方面都好有經驗,所以就安心俾野仔試試 🙂

野仔參加嘅2日1夜戶外訓練營,對象係7-11歲嘅小朋友,目的地喺飛鵝山基維爾營地。雖然2日1夜時間唔多,但內容已經好豐富。小朋友要學習紮營、野外生火、煮食等等嘅技巧,又會玩一系列嘅集體遊戲,夜晚仲會行山(野仔話個夜景超靚😂)

小朋友一到達「基維爾營地」已經超興奮
(唔通係因為2日1夜”無簧管”,所以咁興奮🧐🤣🤣)

紮營應該對小朋友嚟講係最具挑戰性!
(野仔分享:紮營係難,但好好玩😙)

「兩房一廳」嘅營,好大、好闊落呀!

哥哥認真起上嚟,好MAN哦😍😍😂

學習野外兼黑夜煮食,準備晚餐

其實野仔好輪盡,我見到呢張相,會諗…..佢會唔會成碟飯跌落地😅😅
但諗深一層,佢要自己用心煮完先有得食咁珍貴,並唔係平時嘅「飯來張口」,所以應該會好珍以重之咁緊握個碟,所以呢…..真係一個好好俾小朋友學習嘅機會 🙂

自己食完梗係要自己洗啦!👍🏼

呢度就係話「夜景好靚」嘅行夜山

集體遊戲當然係體驗合作精神嘅時候 🙂

活動做完,技巧學完唔係就咁算呀,仲要好好寫低 🙂

兩隻嘢去完返到嚟都無穿無爛

(無損傷,無唔見嘢,最多都係返到屋企俾我見到哥哥著咗鴛鴦襪😅)

佢哋仲超興奮同我分享咗去Camp發生嘅事,我問佢哋下次仲去唔去,佢哋話要去多99次😆咁好玩又學到嘢嘅戶外訓練營,聽聞復活節有個3日2夜版本,想幫小朋友報名參加就記住留意AcmePro Fanpage或者佢哋嘅網址喇😉

AcmePro

https://www.facebook.com/AcmeProHK/

https://acmeprohk.com

想知更多小孩好去處???

記住去3B MAMA FACEBOOK LOOK下喇

https://www.facebook.com/3bmama/

你又點睇?

更多精選內容