玩轉《Frozen》3D 佈景

專欄

廣告

好鍾意《Frozen》(魔雪奇緣)嘅 Keicy 同 Kassy,一知道可以去《Frozen》 3D 體驗館影相就勁開心,仲話要着 Anna 同 Elsa 嘅公主裙去添!兩姊妹講完即刻高唱《Let It Go》!

一去到就即刻感受到冰雪王國的氛圍,因為裡面有超過 30 幅大型立體場景畀人影相,所以三姊弟一去到就話:「我要影呢個!我要影呢個!」,未講完就一支箭咁衝去影相,好難先叫得返轉頭……

現場有好多着得好靚嘅小朋友影相,Keicy、Kassy 同 Par Par 三姊弟當然每個佈景都影啦,包括經典場面 Elsa 同 Anna 細個嗰陣嘅場景、Kristoff 喺雪山搵 Elsa 嘅冒險旅程、以及最後 Elsa 用愛心去融解魔咒等令人感動嘅場景。

而會場都好貼心,地下有標誌提示我哋邊度係最佳攝影位置,令我哋成功變成《Frozen》嘅一份子!

細佬 Par Par 入到去都好開心,因為冇路畀佢走,所以好放心畀佢自己行,亦都可以挨落去幅牆度影相。而 Keicy 亦都好有姐姐風範,Kassy 同細佬間中慢咗,佢就自己去搵下一個佈景,擺好 pose 畀我同佢影相。^^

另外喺 Anna 敲門嗰個佈景,Kassy 唔止扮佢,仲唱埋首歌《Do You Want To Build a Snowman 》添呀!

Keicy、Kassy、Par Par 加埋我好開心過咗半日《Frozen》生活,鍾意《Frozen》嘅 Fans 千祈唔好錯過喇!^^

FB:KeicyKK