百變全新造型大公開

今次Keicy替Sunday Kiss影封面，我為佢度身設計左兩個造型，大家鍾意邊個多啲？
造型1－彩虹仙子

用左不同顏色的紡紗，一條條編織而成。顏色既Colorful又可以造出飄逸的感覺，再配埋皇冠。哩條裙全人手造架，0個個人係邊個？埋係我囉，同埋都係我自己設計 …… Keicy著佢嘅時候，好動既佢，一跳舞就飛飛下，效果好靚，我都好鍾意，十足仙子咁。

造型2 － 甜蜜氣球小公主
今次我揾左朋友仔,香港氣球大師Phoebe Chan 幫手，我設計，佢幫我整。成條裙以桃紅色及白色為主，顏色對比強烈，再配埋粉紅色legging，仲唔更加cute。我相信大家都知道小朋友對汽球嘅情意結，Keicy著佢嘅時候非常興奮，覺得好新奇，篤篤下咁，影完相之後，件衫仲可以放係屋企成個星期，大家不妨考慮度身訂造一件俾你哋嘅小朋友著，我相信佢地都會好開心!

配埋個皇冠仲要全世界只得一個，因為係我專登幫Keicy整架，全handmade既，我係深水埗買齊哂料，將一粒粒大小均一嘅綿花球體，逐粒將綿花用膠水貼上皇冠到，感覺好似用綿花糖做既皇冠咁，增加甜蜜度！

呢次d相影出嚟嘅效果好靚，好滿意今次既作品！

最後，記得多多支持Keicy，買今期Sunday Kiss啦，Thank You So Much~~~~~