【親子好去處】親子行山有感 如何過生活 你有得揀

【親子好去處】親子行山有感 如何過生活 你有得揀

過年期間我地帶埋孖寶第一次遠征,算係正式親子行山啦,之前城門個d路線比較簡單唔算啦。兩個小人初次行山的路段就已經被孖爸安排行昂平平原,一齊來個新春行大運!

帶住幼兒親子行山

孖寶正式第一次行山,孖爸選擇讓他們向難度挑戰!

親子好去處_行山 sunday kiss blog
小朋友第一次行昂平平原

 

親子好去處_行山 sunday kiss blog
比起城門水塘,呢度好有挑戰性

孩子們大可以選擇; 扭抱/不行/要求離開/哭鬧

他們偏偏作出另一選擇: 繼續愉快地登山。

努力地一小步一小步登上山頂 ,看到他們享受過程,會欣賞沿途風光,忠於自己選擇。我莫名的感動著。

沿途很多人給予他們鼓勵,讚美,加油打氣。孩子還用餘力以「恭喜」回應。沿路很多小童、成人都說辛苦的路段。孩子們卻以從容、堅持應對。

親子行山旅程歷時90 分鐘便登上山頂。他們沒有我所預期的任何困難出現,整個過程只有聽到他們歌聲及歡笑聲,而我一直在回心微笑。

親子好去處_行山 sunday kiss blog
90 分鐘登上山頂。他們沒有我所預期的任何困難出現

講返馬鞍山昂平平原路段一些資訊比大家知, 今次孖寶欣賞到西貢無敵海景。我地由碎石路的大空地開始向上行。

親子好去處_行山 sunday kiss blog
欣賞到西貢無敵海景

2歲幼兒挑戰700石級

一路向前走,我就開始見到溪流,聽到流水聲,望上去溪流兩旁,只係見到好多石級。我當下已經開始有點擔心, 這麼多形狀不規則的石級2歲多的小朋友可以應付得來嗎?

親子好去處_行山 sunday kiss blog
這麼多形狀不規則的石級2歲多的小朋友可以應付得來嗎?

但係我沒有作聲, 因為我相信孖爸,他帶得我們來自然有他的道理, 而且我本身亦唔係埋怨型。所以只係提大家都要小心,自己開始加倍小心留意路面一切狀況。

之後到了過溪石橋後,便正式上山,登山徑大部分為石級,少部分為泥路,一直向上行。我地當然有比2個小人仔行下抖下, 坐在一旁的大石休息下,我無刻意去數,但我估可能around 700級以上的石級。

親子好去處_行山 sunday kiss blog
登山徑大部分為石級,少部分為泥路

孖爸一直話好快會到分义路的涼亭,之後就好快到山頂嘅啦,而孖寶亦好努力,一面唱著歌, 一面一步一步走上去,看來擔心的就只有我一人。

親子好去處_行山 sunday kiss blog
孖寶亦好努力, 一面唱著歌,一面一步一步走上去

我地終於都到達涼亭呢,孖爸話最難的路段已經過咗啦, 我回頭一望原來2個小人靠自己的努力已經登上700多級的石級。

親子好去處_行山 sunday kiss blog
2個小人靠自己的努力已經登上700多級的石級

之後仲有around 15-20分鐘左右的路程,呢段其實好好行,因為路勢平坦,佢地比起之前的石級, 感覺輕鬆了很多。 當然孖爸亦有不斷的提大家,很快很快就到啦。再加上一直在路上,有很多人都對孖寶作出鼓勵話: BB好利害呀, 加油加油!

親子好去處_行山 sunday kiss blog
BB好利害呀, 加油加油!

親子好去處_行山 sunday kiss blog
提提大家, 路上亦會有牛牛出現架!

昂平平原係我第一次行的路段,登上山頂真係令人豁然開朗, 望落去應該是西貢,萬宜水庫都可以睇到。 孖爸話佢之前來的時候, 好多人係度玩滑翔傘的呀, 佢話北面就會見到大金鐘。

親子好去處_行山 sunday kiss blog
登上山頂真係令人豁然開朗

我地都有係度小野餐,我一面欣賞藍天白雲,一面欣賞孩子, 可以一起回歸大自然, 享受大自然的美麗景緻。內心滿滿感動見到你們快樂, 我就快樂了。

親子好去處_行山 sunday kiss blog
一面欣賞藍天白雲,一面欣賞孩子, 可以一起回歸大自然

他們因到達山頂而開心的一刻的畫面,烙印了在我記憶中,看著孩子的從容、堅持, 我內心安慰,滿足。

孩子們,謝謝你倆又給我上了寶貴的一課。

親子好去處_行山 sunday kiss blog
看著孩子的從容、堅持,我內心安慰,滿足

如何過生活,選擇什麼態度去應對一切,其實係有得揀。

快樂和滿滿的正能量送給大家!

Happy Year of Dog

天氣清爽,大家不妨趁假期,去昂平平原放下電。

我和孖寶的Facebook Page:荔枝與孖寶

我和孖寶的 Instagram IG#:laichimama

If there is any question or you looking for me and the boys, please feel free to contact LaiChiMaMa via Email:[email protected]

你又點睇?

更多精選內容