親子行山3.5小時bb級 遠眺超靚維港景色及古跡 ｜親子好去處 西高山＋松林廢堡
撰文、圖片：大仁生活 |編輯：K、TLY
親子行山3.5小時遠眺超靚維港景色
我又請魚子媽帶我去行BB山，她說：「今次我哋行山頂啦」; 我心想：「真係好BB咋喎，Easy Job啦，繞住山頂盧吉道行個圈，真係NewBorn都應付得綽綽有余啦！」今次我們真的是在盧吉道出發，不過，不是繞圈，而是登上西高山感受大地在我腳下的宏偉。我們於13:25在凌霄閣旁的盧吉道起步，大約20分鐘，由兩位小朋友帶路已經到逹盧吉道最開揚，可以遠眺維港，望穿昂船洲大橋。
有人大叫「渣打銀行」呀！ 我心想「邊度有呀？ 」SY；「前面咁大隻字⋯⋯」; 我：「其實大大隻字寫住恒生銀行喎⋯⋯小朋友！」
講講笑笑， 不用15分鐘便到逹了爐峰自然步道小公園，魚子媽:「你哋玩一陣先上西高山啦」其實，走平路只係走咗50分鐘，唔係咁睇少我呀？休息？講笑呀？)
小朋友本來不願走，但玩了10分鐘，還是出發會比較好。否則，可能他們真的可以玩半天！
在小公園的另一邊直行，不到5分鐘，便已經看到樓梯。小朋友們與魚子媽一口氣便上上上，走了，又再上去⋯⋯
而我間斷喘氣的第四名次，而阿太則是不停氣喘的包尾，阿太：「頭先⋯⋯有個外國人⋯⋯問我OK嗎？可能我真係行得好唔掂！」
氣來氣喘，臉青青的阿太可能真的要找就哥來CPR先可以再上西高山！
魚子媽：「當你哋行到上山頂，見到咁靚嘅風景，包你唔會再覺得攰」; 但我這刻已經腳軟軟喎！
在山頂頂峰，可以360度環迴盡看全個香港，眼睛突然鬆了！雙腳雖然累，但人站得高處，感覺又有另一番意思！
拍拍照，食食飯團，我們又落山了。 魚子媽：「我們返去頭先爐峰自然步道那小公園，向克頓道下行，就可以去到松林廢堡。」
我一邊忍著腳軟，一邊完成落山行動並問：「你有冇計過我哋行咗幾多級樓梯？」; 魚子媽:「550幾級樓梯」; SY:「來回米已經1100級囉！」我心想；「唔係掛！怪之得，我依家腳不停震震震啦！」
走過小公園，有一個龍虎山牌坊。SY跟子子大叫：「Tiger⋯⋯Dragon⋯⋯」原來龍虎山英文名叫「Lung Fu Shan Country Park」 ！
沿克頓道往山下方向步行大約 1 公里，便走到松林廢堡前的大草地。
松林廢堡就在草地後，原來當日抗日戰爭時英軍與日軍維持了18天的香港保衛戰。這裡便是其中一個英軍陣地，現在就保留了這個遺跡。
小朋友玩玩走走，突然停了下來，細細聲說：「點解真係有兩個軍人嘅？好驚！好驚！」其實我估計只是有人來玩WarGame，對嗎？
在廢堡有指示牌，指向松林廢堡歷史俓及龍虎山健身俓，我們便是依方向再落山。魚子媽：「一直行就，大約半個鐘就到港大。」
說時遲那時快，魚子媽說：「唔好行住先，靜啲！ (咩事呀？) 不來有野豬！」
看來小朋友發現野豬，好像興奮多於一切。子子：「情況危急！情況危急！走啦，我哋快啲走啦！」
急急腳！但兩個小嘴巴還是不停說：「走啦，情況危急！野豬會唔會跟住我哋！」魚子媽：「安靜啦！ 唔好嘈！快啲行！」
落過樓梯轉左，再一直行，不遠處便已經踏入香港大學的範圍。兩位小朋友已經有少少疲態。子子：「我想食鰻魚飯！」我問：「點解要食鰻魚飯呢？」 SY:「因為我哋都係鰻魚飯嘅Fans囉！」
最終我們於16:58便走到香港大學站。SY:「3個半鐘頭完成！」順利完成任務。子子：「我哋去食甜品囉！食鰻魚飯囉！」
