迎接暑假 親子本地遊@Parent婷

(Presented by 香港愉景灣酒店)

我自問唔係怪獸家長,暑假唔會為仔女安排連串興趣班上,寧願佢哋多啲時間玩下放鬆下,不過代價就係……佢哋日日都成隻甩繩馬騮喺屋企紮紮跳冇時停,搞到我想靜靜地訓個晏覺都唔得,所以我決定出殺手鐧,帶佢地去放晒啲電!經過10分鐘民主家庭會議商討後,我哋一致決定去愉景灣,嚟個2日1夜親子同樂遊。

親子單車遊
一早去到,早餐都未消化完,即刻去香港愉景灣酒店嘅活動中心租單車踩返轉,欣賞下大嶼山靚景先。沿住單車徑一路踩就可以環遊成個愉景灣,踩到去中央公園同大白灣沙灘可以停落嚟,俾佢哋落地跑跳下、玩玩水堆堆沙。

食大餐補充體力
踩到咁上下大家都開始覺得肚餓,所以就返咗酒店醫肚。其實都唔係第一次食愉景灣酒店嘅buffet,不過每次嚟到都總係會有新驚喜,今次就用咗Summer做主題嘅菜式,一下子就令人聯想到陽光與海灘。食物方面以海鮮做主打,刺身熟食樣樣俱備,而且色香味俱全,睇見都令人食欲大增。

 

七彩甜品
配合返繽紛夏日主題,甜品總廚特別將各種色彩加入dessert當中,紅、橙、黃、綠、藍、紫,五顏六色,夠晒colorful,仲用埋朱古力豆同棉花糖做蛋糕topping,啱晒小朋友口味。另外,buffet係用Häagen-Dazs雪糕㗎,仲有多款口味,我地呢兩隻小魔怪,一人食三杯,抵返哂!

親子時間
除咗有迎合小朋友嘅自助餐,愉景灣酒店亦設計咗好多親子活動,好似有微縮家居畫框、手機套製作、風箏製作等workshop,俾家長同小朋友透過一齊創作增進感情。今次我哋揀咗學整再造紙,由撕紙、倒漿、裝飾到吸水,每個步驟都可以參與其中,過程相當有趣又有意義,完成咗仲有得拎走製成品留念。

繼續小物DIY
第二日阿仔阿女仲未夠喉,於是又同佢地參加埋馬賽克拼貼班同杯蛋糕工作坊,「戰利品」再添馬賽克相架同cupcake 2款。諗諗下$1,688起就包晒住宿、早餐,仲有由朝到晚都玩唔完嘅親子活動,同埋童夢城通識學園門票,真係幾抵,最重要係唔洗出去同人逼,唯一可惜嘅係唔夠時間參加晒所有workshop,不過暑假流流長,遲下可以再嚟多轉!

香港愉景灣酒店
地址:大嶼山愉景灣海澄湖畔路88號
電話:2295 8288
住宿優惠期:即日至2016年8月31日
網址:www.aubergediscoverybay.com

你又點睇?

更多精選內容