近排搞啲乜?

專欄

廣告

pok媽又再度成為失蹤人口,

近排搞啲乜?
忙於籌備pok媽的第四個baby,
一間位於觀塘區o既婚紗店 / 影樓,
今次好好彩有好多朋友同埋同事幫手,
所以都未至於忙到甩晒轆!
希望一個禮拜內搞掂!!
可以快啲同大家見面啦!!

(新店的一隅)

雖然有人幫手,
不過pok媽亦唔見得閒咗,
因為時值pok姐報小學,
pok媽除咗忙於開舖,
仲要諗報小學事宜~~

我呢……..
表面上要表現到唔太緊張,
以免影響當事人心情,
之不過做阿媽o既話唔緊張就假o既!
最近開始成日諗住啲form要點填,
interview要答乜嘢…….
OH!!
我話咗我唔要做怪獸家長o架喎?!
點解我愈嚟愈朝住嗰個方向進發?
係時候反省吓喇!!

最近禮拜六多數忙到冇時間陪pok & da,
有時會帶埋pok姐一齊返工….
上個禮拜就帶咗佢返新店!!

pok姐剛拆石膏嗰幾日,
隻手都未伸得直,
一度好擔心佢要好耐先至完全康復,
但你睇!
而家都未夠兩個禮拜,
隻手已經好似冇事一樣,
完全伸直晒!
真係不得不佩服小朋友o既復元能力啊!

呢張梳化pok姐大愛!
梳化是淘寶貨色,
優點係平到笑~
缺點係買o既過程有啲麻煩!
(最後都無驚無險收到貨! 好kai sin!)
邊間買?
今次唔講呢啲!
下次希望我記得講啦!!
呵呵!!

其實pok媽都好想舖頭可快啲同大家見面,
因為呢間店同 Foi Wedding o既 style 好唔同,
係有少少突破~~
所以好期待呀!!

喺彩虹色o既晚裝堆中同媽咪玩捉迷藏~~
見到咁多靚衫, 開心到癲咗!!

玩緊捉迷藏嗰陣, pok爸以為自己係王家衛,
拍咗個 “lost in the gown” video, 問你怕未?

pok姐天生就絕對唔係斯文淑女型, 成日跳跳紮,
隻手啱啱好番已經跌親幾次….. 呢日又跌!
令我不禁倒抽 x 口 “勞” 氣!~

Pok家生活軼事

宣傳你的專頁

希望我好快唔使做失蹤人口~~
shopaholic mom 有太多嘢想同大家分享!!
hehehe~~~~