送給單身的妳/你

依然耐不耐就會收到一些少女的messages跟我訴說對單身的恐懼擔憂。其實除了讀者朋友外，我身邊都有唔少朋友面對找伴侶的困難，而有趣的是這些朋友很多都是美貌與智慧並重的可人兒。大金毛常說，覺得好奇怪為何香港男女在結識異性上為何會如此被動，更驚訝何解我們的朋友A朋友B朋友C條件如此不錯都還是單身，還要如此惆悵著自己的將來。

的確外國人在結交伴侶上比我們主動很多，很多人知道我倆在書店認識都會很驚訝問我「下！佢過黎搭嘴呀？」「點開口呀？咁奇怪咁主動？」當然文化背景令我們有包袱，亦可能外國人主動走過來認識你，你會覺得好平常好易接受，但香港男仔咁做又會覺得好奇怪好唔自然。

…

坦白講，男女之間的緣份其實什麼情況下也會發生，可以是典型讀書認識然後順利成章結婚生仔，但更多的是不同的浪漫偶遇。小女子我曾經在遇到大金毛前都單身了兩三年，當時的我都有好擔心自己的將來，亦對「遇到白馬王子」感到無望。不過，我覺得自己唯一的好處是做人從來都目標為本，我參加好多活動，盡量認識多點不同圈子的人，開放自己的社交，結果當然認識過交往過好幾個男孩子都無開花結果，但我相信遇到的每一個人都令我今日成為一個更好的伴侶，而最終都在完全無預計下在書店遇到今日的丈夫。

緣份和愛情從來都無得計，但我好欣賞主動積極的人，除了對學業事業進取，其實對自己終生幸福都一樣，如果因為工作環境和朋友圈子的限制而認識不到異性，我絕對不反對去約會公司/愛情介紹所，有人會覺得咁做好肉酸，但我反而覺得又要怨寂寞又咩都唔做，反而先係有問題。

剛了解到eSynchrony是一間好有經驗的配對公司，他們會要求參與者先在屋企電腦上做一個性格測驗，幫大家分析價值觀、工作、興趣等各方面資料，然後再於資料庫幫你找適合配對，配對完後亦有專人幫忙跟進約會，他們亦會負責驗證參與者身份證明資料。坦白講，如果我呢刻單身又知自己下年三字頭，我係堅會去參加的。不要誤會我在打壓單身一族，如果你真心享受自己一個人，覺得遇到就遇，遇不到都可以接受自己獨身，整件事是完全無問題的，但我最怕係有些人自己坐係屋企零進取行動，但又成日叫住寂寞，心底裡又要好恐懼，其實係無用。

唔講大家唔知，其實幾年前我同朋友貪得意host過一次speed dating night，果時同大金毛未結婚，佢仲笑我咁有生意頭腦，但好明顯係唔太work，一來全部人都係我同我朋友既圍內friends，無延伸出去找其他人join，二來都覺得呢種咁speed既dating真係有點表面，好多人都無厘頭勉強要同個陌生人傾五分鐘計，未必一定唔成功，但去到某個年紀階段，我個人比較目標為本，如果有配對公司幫你手去找比較合條件既人，可能投緣機會都會比較大。

講真，緣份無得講，但我會比機會自己，知道自己想要咩就盡力爭取，最終未必work，但都無悔嘛！

加油！幸福的確在轉角！