鮮百合我都好鐘意食,不過多數用嚟炒肉片當一個餸嚟煮,因為爽口得嚟又好有益,對肺部係有好好呀。
原來將鮮百合同埋蓮子一齊煲,功效可以清熱、寧心、安神助眠同埋潤肺止咳。好似中晒我要補補嘅嘢,所以我又點可以唔即刻煲嚟飲呀!
鮮百合1包、乾白蓮子約30粒、豬骨約$40、粟米及紅蘿蔔1條、蜜棗4粒、南北杏2湯匙及果皮1小塊~
鮮百合切去頭尾啡黑色部分,逐塊剝開洗淨~
豬骨洗淨汆水,果皮浸軟刮囊,蓮子、蜜棗及南北杏洗淨備用~
粟米及紅蘿蔔刨皮洗淨切大塊~
由於啲鮮百合都已經煲到溶晒係湯入面,再加埋啲白蓮子,所以啖湯都有啲奶白色。不過顏色都唔係重點,入口勁香百合味,而且仲超級甜,真係飲多幾碗都唔嫌多呀!
我地嘅FB – 小小豬的成長日誌 ,大家一齊嚟交流下煮飯仔及去玩嘅親子樂啦!