【室內遊樂場】黃大仙全新遊樂場  一大一小最平$60入場

【室內遊樂場】黃大仙全新遊樂場 一大一小最平$60入場

又到星期六,一家人出動去玩既時間,上星期同小火子去完鳳德公園,發現在一個蚊型商場翔盈里內,有一間室內遊樂場準備開幕!大家應該唔知我講緊邊,帶小火子去玩下先!

撰文&圖片:貓町媽媽 | 編輯:Chloe

黃大仙全新室內遊樂場

呢間新開嘅室內遊樂場,就喺新光中心附近 (有$12店既商場)!

我地就係玩左一個鐘,其實呢個都係小型既遊樂場,除左玩亦有提供playgroup, 不過我地當然係為左玩啦!室內遊樂場面積不大,主要分波波池/ 滑梯/ 彈床競技區域,同埋煮飯仔+角色扮演區。

因為新開關係,我地星期六下午都無咩人,所以玩得好鬆動!波波池競技區無咩驚喜,但比小朋友放電係唔錯既,而且用色亦好夢幻!打卡一流!

至於煮飯仔+角色扮演區,首先吸引小火子既係釣魚區,有部份魚被釣起時會發光,好得意!

而煮飯仔方面,有很多不同的食物,其中麵包既手感好真,仲有麵包既香味。而收銀櫃位亦做得好逼真,讚!

至於仲有幾個小小既區域,有醫院及廚房等,可以扮醫生好得意呀!不過要留意既就係每個空間都真的很小,只能容納一至兩位小朋友,如果場內多人的話,就要等待一下了。

收費方面,其實都算抵玩,雖然地方細細,但小火子釣魚都玩左好耐,所以玩一個鐘有點意猶未盡,但四個鐘又太多,如果將來有兩個鐘既選項就好啦~

而且在入場時,看到有字眼說,超時一分鐘也會當一個鐘計算,所以在差不多夠鐘時,感覺超緊張的,還好最後剛好沒有超時⋯⋯如果差不多夠鐘時會有溫馨提示就好啦!但發現了多一個放電新去處也不錯

Play2Learn

地址:黃大仙翔盈里

收費:分1hr/4hrs/全日

星期六/日: (1小時)$70 (1 大1細);

額外家長: $40 ; 按金: $100

 

謝謝收看,如果喜歡貓町媽媽的文章或想觀看更多親子玩樂情報,
歡迎到訪貓町媽媽的facebook專頁:

<貓町媽媽親子玩樂扮靚日誌>
https://www.facebook.com/catdingmama/

更多精選內容