【鼻塞救星】中醫教路 2個小兒天然通鼻塞方法
撰文&圖片：中醫爸B – 馬琦傑醫師 | 編輯：Chloe
兩個由外到內天然舒緩鼻塞方法
生理鹽水洗鼻 或 使用吸鼻器
洗鼻後，記得用棉棒清潔，一定要外掃，否則會「越撩越如」
除了鼻敏感、感冒等病症外，BB 和小朋友氣管幼小，奶類，糖果也會引致鼻塞，鼻塞真的令大小朋友晚上難睡，整日呼吸不暢順。我本身也是鼻敏感患者，而阿女也有這方面遺傳。每日飲食要謹慎，避免易積痰的食品。
另外，我會親手製作通鼻塞香包給女兒。每晚，女兒會聞通鼻塞香包才瞓，如有鼻塞情況，用力吸入後會出現打乞痴狀況，噴出鼻涕，令吸吸回復暢通。
1.DIY通鼻塞香包
適合:任何1嵗以上鼻塞人士 (不適合G6PD)
材料:
蒼耳子(炒) 、 鵝不食草 、 白芷 各5g、薄荷 10g ( 配方因應藥材質量或季節以定)
做法：
材料洗乾淨後，焗乾，打碎入袋。
放在枕邊，有需要時深呼吸，可暢通鼻塞，舒緩不適。
*緊記鼻塞可能係病初徵，如果小朋友時常鼻塞，要快d 帶佢地去可靠的醫師求診，始終病向淺中醫。
2.痰多鼻塞救星 陳皮水飲用
簡單制作的陳皮水，對於鼻塞（如食奶或風寒引起），腹脹食濟等症狀有所幫助；而如小朋友有喉嚨痕，咳嗽，多白痰，亦有舒緩效果。也可以令小朋友習慣中藥的味道。
功能：陳皮水能和中理氣，緩解鼻塞，化痰、理氣、健脾、通鼻
適合: 任何3個月以上bb 及鼻塞成年患者
制法：
1.浸透陳皮（過夜）；2.用刀刮去白色內皮；3.剪成細絲；4.用水滾約，細火㷛30分鐘，㷛至大概100ml左右。
份量：
3-6個月：1/4 塊果皮； 6-12個月： 1/3塊果皮
12-24個月：1/2塊果皮； 24-36個月：3/4塊果皮； 36個月以上：1塊果皮
注意：一定要用老陳皮（10年以上）不要用青色陳皮
飮用方法：保健每星期1-2次（視乎體質）
注意：鼻塞有可能因為其他嚴重病症，如不太清楚自己身體狀況，請儘快到可靠中醫面診。
作者介紹：
中醫爸B – 馬琦傑醫師。作為爸b, 每日照顧寶貝女，換片，餵奶，孭帶，半夜蓋被，點都唔辛苦。 作為中醫，每日為左寶貝女，設計餐單，預防疾病，由零開始，健康開心成長就係我的簡單心願。
