【挪亞方舟。玩轉機械智激FUN】

以前去Playhouse放電一日，野人已經開心哂

但宜家佢哋大個咗，齋放電已經滿足唔到佢哋！

啱啱過去嘅星期日，同佢哋去咗挪亞方舟玩

原來暑假期間，逢星期五、六、日

挪亞方舟有兩個特備節目

一個係俾小朋友放電嘅「親子智趣競技場」

另一個就要動動腦筋玩嘅「玩轉機械至激FUN」

節目內容豐富，絕對夠俾小朋友玩足一日!!

每位小朋友都會得到一本「玩轉機械至激FUN」嘅通行証。

完成每個任務後，記住喺通行証上吸個印仔。儲夠印仔，可以換禮物呀 🙂

「親子智趣競技場」入面嘅遊戲由遊戲設計師Joey Wong設計，大人細路都覺得好好玩

「玩轉機械至激FUN」

尋寶、破案、砌LEGO、踩單車、機械入樽 小朋友鬥智又要鬥力

夜晚仲可以去試埋挪亞方舟豐盛閣餐廳全新推出嘅葡國風味海鮮自助晚餐

邊嘆美食，邊望住青馬大橋個夜景，完成一日完美行程 🙂