【茄蓉洋葱藜麥飯】

專欄

廣告

藜麥係一樣唔多亞州人採用的食材,但自從坊間多左好多“健康食品專門店”的出現,香港就不難見到藜麥(Quinoa)呢個外貌似米/穀物的有營食材。

被譽為「穀物之母」,佢的營養成份當然不可睇少啦!藜麥含豐富蛋白質、鈣質和10種氨基酸,而且因為佢容易被人體吸收,所以不少歐美國家的人都將藜麥代替其他穀類。因為係第一次將藜麥加入囡囡的飯仔中,都會有少少擔心嘴刁的佢會抗拒,所以我將藜麥 同白米一齊煮,令佢接受的程度高一點。再加上我用左番茄、洋葱同鮮冬菇黎煮,呢個質感和味道都似足”西式燴飯”,阿囡當然冇托手踭,一下子就食晒嚕~~~ 呢個咁“有營”的菜式,其實除左小朋友之外,孕婦都啱食咖。咁樣加一加新食材,米飯有多點變化,營養又豐富,何樂而不為呢?

【茄蓉洋葱藜麥飯】

【茄蓉洋葱藜麥飯】適合8個月以上寶寶食用
材料:
番茄・・・・・½ 個(洗淨,去蒂,切幼粒)
洋葱・・・・・¼ 個(去皮,切幼粒)
鮮冬菇・・・・適量(沖洗淨,切幼粒)
白藜麥・・・・1湯匙(放入篩內略沖洗)
米・・・・・・3湯匙(洗淨,瀝水)
水・・・・・・½ 杯
已煮熟的魚肉蓉/瘦肉碎・・・・適量

做法:
1)將藜麥、米和水一同放入煲內以中火煮熱,轉慢火,蓋上煲蓋,焗煮10-15分鐘成熟飯。
2)鑊內放入番茄、洋葱和鮮冬菇,注入少許水,以中慢火拌煮至材料軟身熟透,備用。
3)將蔬菜和藜麥飯拌勻,可加入已蒸熟魚肉或煮熟的瘦肉碎一同食用,完成。

提提你:
藜麥容易被人體消化吸收,它含有豐富蛋白質、氨基酸和鈣質,是代替米的最佳代替品。

參考資料:衛生處網頁