【親子好去處】林邊生物多樣性自然教育中心

專欄

廣告

「林邊生物多樣性自然教育中心」,好幾年前一直想去,只係一直都夾唔啱時間。因為呢個地方同我有個情意結,我小學時代差唔多每星期都會過嚟柏架山行下,當時還未有這個中心,只是一間荒廢了的紅屋。估唔到轉眼廿幾年今日帶住兩兄妹嚟走走!

當你行柏架山穿過山腳之後,好快就會見到「林邊屋」的「林邊生物多樣性自然教育中心」

紅屋外牆咁靚靚,用嚟打咭真係最啱

可能今日係公假,所以中心外都有少少攤位玩下,順便教下行山知識

這等歷史建築物真係買少見少

一場嚟到一定要打番幾張咭先啦

中心地下有三個展覽廊

超初以為裡面得模型或展品等,原來真係有「真」動物睇

兩個攞住相機,對住玻璃箱內的動物不停咁影

蚚蜴及蛇等動物已經超吸引佢哋兩個


睇完林地,又去睇吓海洋環境

唯一有真海洋生物睇係呢個半圓型玻璃箱

有各種不同的蟹仔

另設樓上活動室,設有不同的工作坊,需要到現場查詢當日活動時間表

再行入去有另一個展廳,設施以知識性較多,有多個互動展幕遊戲

牆上一格格的原來係櫃桶,係可以拉開睇㗎!

行出展廳,外面有個戶外位置,除咗呢個3D打咭位,就冇咩特別,不過走出嚟行下睇下風景都幾舒服!

離開林邊屋之後,我哋就繼續我哋嘅上山行程
Photo byCANON 5D Mark IV,Len|EF 24-70mm f/2.8L USM

想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

呀劍評分:10分

呀劍評語:配合行山路線,可以多了這個景點,非常不錯!

簡介:位於鰂魚涌柏架山道的漁農自然護理署林邊生物多樣性自然教育中心佔地約3,386平方米,中心設有三個主題展覽廊、多功能會議室、資源室、活動室和自然園區,以介紹香港珍貴的自然資源和生物多樣性。中心旨在提高大眾對香港生物多樣性的認識、了解其價值及重要性、鼓勵大眾積極參與及支持推動自然保育的活動。中心為學校、機構及公眾提供自然教育、野外研習和自然導賞的活動,是一個老少咸宜的郊遊好地方。

開放時間:

展覽廊

逢星期一、三至日及公眾假期︰上午九時三十分至下午四時三十分逢星期二(公眾假期除外)、農曆年初一及初二休館

自然園區

每日上午六時至下午六時

(以上資料更新至文章當日)