沖繩元氣村

親子體驗之旅 沖繩元氣村 親親小海豚

專欄

廣告

嚟到今次我地沖繩之旅其中一個重點活動,亦都係小小豬期待嘅節目之一,就係去 沖繩元氣村 親親小海豚啦~

 

當我知道有個行程時,知道可以近距離同海豚玩,小小豬都已經好興奮。其實唔止小小豬,就連我自已都好期待,因為之前睇海豚都只限係海洋公園,仲要只可以遠遠咁望,真係未諗過可以摸。

 

 

我地由名護菠蘿園坐左大約30分鐘車就到達元氣本部村啦~

 

原來元氣村除左海豚之外,仲有其他種類嘅動物,不過我地就搵依度嘅主角玩遊戲啦~

 

各位大小朋友著上安全救生衣之後就可以去親親小海豚啦~

 

係落水之前就有專人同我地介紹下海豚日常生活同埋佢地嘅食糧,其實負責人係用日文講,不過小小豬就好似聽得好留心咁,緊係啦…..其實佢個心都已經飛走左,內心其實係諗緊落水同海豚玩~

 

講解完就等海豚同我地表演下先,海豚就好似係我一隻手嘅距離出現,請容許我大鄉理地講,從未如此咁近睇海豚,真係睇到我嘩嘩聲呀~

續下頁

等左咁耐,終於嚟到戲肉,可以落水同海豚玩啦~

 

一落到水小小豬就已經好期待,心急得佢….未有導師安排就想去拖海豚手仔呀~

 

先嚟同海豚玩拋圈圈~

 

 

之後就可以摸摸海豚下巴~

 

睇小小豬個燦爛笑容就知佢係有幾開心啦~

 

仲同海豚玩指令添~

續下頁

小小豬真係眼仔唔離開海豚呀~

 

最後仲可以摸摸海豚肚仔~

 

今次又真係要俾個叻叻小小豬,佢完全唔驚仲玩得不知幾興奮。上水之後仍然係十級HIGH,不停同我講頭先點摸海豚….海豚身體係點….佢又點同佢玩,佢講到天花龍鳳咁,真係俾佢笑C。

 

 

點解得佢兩父子親親海豚,咪就係因為有一個媽咪只係掛住幫個仔著短褲仔,自己就咩都唔記得,又冇帶褲出嚟,所以…..只好睇住佢兩父子溫馨啦…嗚嗚嗚!(不過見小小豬玩得興奮,我都感受到嗰一份開心呀) ~

 

認真….依度真係真心值得推介,因為可以咁近距離同海豚玩又真係一個好好嘅體驗,所以下次嚟沖繩我地一定會再嚟玩,到時要玩埋元氣本部村入面嘅其他設施。(希望下次再嚟玩唔洗等得太耐啦….哈哈哈)

 

接下來我地就去一間好靚嘅酒店食個豐富嘅自助午餐,個VIEW真係靚到唔識形容,想睇就請留意我下一篇遊記啦!

 

BY 小小豬的成長日誌