升小一 6大打底準備

希望冇做漏啦!

1.檯燈有護眼功能　閱讀清楚過人

細個嗰陣, 媽媽因為擔心我睇書唔夠光, 會開晒我附近嘅所有燈.
光線充足係冇錯, 不過今時今日, 唔只開燈咁簡單.

現代教科書印刷非常精美, 紙質好靚, 但一般嘅燈照射落書本度, 會反光, 睇得唔清楚, 閱讀樂趣大減.

所以我會用 3M 嘅博視燈, 佢嘅濾光片可以有效減低刺眼反射眩光, 令 Keicy 閱讀時更舒適.

另一樣我鍾意嘅功能, 係白光、黃光隨意互換, 最簡單用法係做功課時用白光, 夜晚臨瞓前母女傾心事就開黃光, 即刻由實用變得增添情調!

`

`

2.坐得直　脊骨冇壓力

跳芭蕾舞已有一段日子嘅 Keicy, 平時行路都好自然挺胸收腹.

不過升咗小一, 無論喺學校定喺屋企, 坐定定嘅時間一定會增加, 所以我一見到佢坐到「冇腰骨」, 或者個頭耷到好低, 就會立刻糾正, 避免脊骨變形或移位, 影響讀書學習.

`

3.檯櫈啱高度　功課快快做

白領家長們都知道, 如果 office 嘅檯櫈太矮或者太高, 坐得唔自在, 雙手點擺都唔舒服, 一定好快見攰, 冇心機做嘢.

同樣道理, 小朋友無論喺飯檯定係書檯做功課, 家長都要留意返檯面同櫈嘅高度, 要啱返小朋友嘅體長同角度.

如果屋企冇可調校高度嘅檯櫈, 可以用坐墊或者其他物件輔助.

`

4.執筆手勢正確　 洋洋灑灑唔多覺

讀小一, 寫字肯定多咗, 雖然而家 Keicy 手部肌肉力量唔錯, 但都要確保佢執筆手勢正確, 所以就算而家放緊暑假, 我都要 Keicy 練字, 唔希望佢 9 月唔記得點揸筆, 用錯力, 定咗型, 之後就會寫寫吓嗌攰, 做功課慢過人……

以下係執筆嘅正確方法, 大家可以參考返. ^^

(Source: 健康促進網2)

`

5.適時休息　開卷有益

如果學校功課太多, 可以分幾部份嚟做, 完成一部份後, 休息一陣, 放鬆吓, 望吓遠物 (綠色更好), 郁吓手腳, 再繼續.

家長亦可以用計時器幫手, 鼓勵小朋友喺限時內完成進度.

`

6.DIY 補眼果汁　營養補給　

家長可以將椰子水、藍莓、紅蘿蔔 、紅菜頭用果汁機 blend 成一杯健康果汁, 因為藍莓、紅蘿蔔有維他命A, 加埋最近大熱嘅椰子水, 就成為一杯經濟、營養、好味嘅健康飲品喇!

間中補一補, 順便獎勵吓小朋友, 打打氣!　^^

`

`

FB: KeicyKK