吾日三省吾身系列…測驗做漏一part的媽媽的反思

專欄

廣告

Ocean今次中文測驗78分。

咁,其實我都OK個分嫁喇,因為佢測驗之前那天打Ice Hockey,佢又忘記帶書出去覆習,所以佢係無溫過書嘅,係完全靠平日上課留心聽書和以往默書所認得的生字去考。所以78分真係佢真功夫。
但原來佢係有一整個填標點符號的部份,12分,忘記做!重要係最易部份!

 

咁我都無所謂啊,問佢點解會無做。佢只係話佢真係好專心做卷,唔知點解會睇唔到就飛左去第二頁。咁我話:「OK啊!無所謂喇,厘D成part做漏的case,所有考過試的人都一定試過。媽媽细個都試過。下次小心D就OK啦。我知你上堂真係有聽書,靠平時功夫D文字都識做,我就好開心喇。」咁就無野啦。

………….

但第二日在學校,中文科老師經過捉住我話,「Ocean媽咪你睇左份卷未?」我話:「睇左。OK啦,佢miss左成part嘛。」
老師話:「佢有無話你知佢昨日派卷見到原來無做成part時睇到想喊…之後要收埋塊面啊!」
吓!?我真係唔知喎…

 

老師話:「佢好可憐啊,com住面忍住喊,我都明白明明應該90分。」「我同佢講話其實做得好好了,下次小心D就得。」
我:「我唔知喎…其實我都好滿意嫁喇…佢都無溫過都識…我同佢講叫佢keep住留心上堂就OK…我都唔追佢D分嘅…」

老師:「佢一向都有責任感…佢應該係自己唔開心自己輪盡左…總之佢上堂好乖好留心…唔會因為一次D分有乜問題…總之…佢昨日個樣好可憐…」

 

下頁:媽媽反省

之後重俾我知道…
Ocean在班上想喊,超慘樣時,佢兩個buddy Ivan 和Jonathan自動自覺安慰佢,拍住手話佢good job already 唔好喊要cheer up。聽見都似熱血青春校園片。哈哈哈!

 

自省…
1. 我好高興Ocean的老師好體貼。佢只係emphasise Ocean好可憐…一句都無話佢輪盡。重叫我唔好緊張個分。

2. 我好高興佢有好buddy陪佢學習,佢兩個buddy呢…真係又搞笑又好有同理心。我將件事同班主任講左,要讚下佢地。

3. 傷心時呢…有朋友仔呵就得嫁喇…Ocean話佢其實都唔知Ivan地講過乜…只係知佢地comfort佢。

4. 爸爸話厘D錯誤每個讀書人都會試過。早D試過以後都記得。而Ocean又發現,自己和媽媽都一樣嘅…

5. 深層的體會是,其實無考試排位成績比較壓力,老師、家長和學生的心態係健康好多。我地只係專注件事,唔會理個分數。

6. 最重要係,我知道Ocean為人自己好認真,所以我要相對relax D。等佢放輕鬆D。作為6歲人仔,佢已經夠認真嫁喇…