【米高媽媽】媽媽症候群10大徵狀 妳中幾多項?!

【米高媽媽】媽媽症候群10大徵狀 妳中幾多項?!

專欄

廣告

媽媽症候群!唔知大家當媽後 有冇發覺自己有以下媽媽症候群徵狀呢?

撰文&圖片:米高媽媽 | 編輯:Chloe

媽媽症候群10大徵狀 計吓自己中幾項

1.金魚式秒速失憶

唔知係咪喺產房聞笑氣聞得多,產前同產後記憶差天共地。

以前如果去超市買十樣八樣野 絕對唔會買漏 而家明明得兩三樣野買 都可以買漏…..有時陣間想做嘅嘢,轉頭就已經唔記得左要做咩。好似變咗海底奇兵既失憶多莉咁。

曾經有專家話…..其實主因係媽媽要照顧多一個人甚至一個家,上至小朋友起居飲食 番學功課等日常活動時間表,下至家中各大小事務 日用品儲備補貨等事宜,都一手包辦。因此腦容量被share出去,才導致腦部記憶體下跌,這是正常不過的事,不用擔心!

 

2.燥狂

媽媽們荷爾蒙失調 皮質醇偏高?!
BB上一秒是小天使,說話甜甜的,氹得妳冧吱吱。下一秒即化身成小魔怪,秒速於家中倒亂,扭計淘蛋。誓要激到你由賢妻變噴火龍!當想發火前 不妨試下深呼吸 一齊學習賢妻說教法!

3.胃口欠佳

初生B一早起身換片飲奶掃風爆片換衫哄睡,眨下眼已到中午,早餐仲未食,唔緊要,趕快煮午餐!

唔係喎都係先打掃洗完衫先再食反正未太肚餓。不經不覺又到兩點 進餐時間由早餐變成下午茶是常識吧!好了 終於可以坐低慢慢食。又聽到小寶貝呼喚你的聲音OMG 我的Me time 食慾隨即大減。快D將下午茶倒入肚,再唔食又到晚餐。

*當媽後 如果可以正常咁食到熱辣辣既一餐 已經係好奢侈既事黎架!

 

4.强迫症

不自覺地為小寶貝四出找尋同年同月同日出生的媽媽,更會不自覺地比較同齡成長進度,一齊深究讀N唔讀N!

恐防小朋友病從口入,不停強迫狂洗手或噴酒精搓手液。生完後,身材走樣,又會強迫自己尋找做女時的36 24 36。對紮肚做機減肥餐單資訊雙眼發光,媽媽們!幸福肥得來不易的。

5. 媽媽癡呆症

想當年為昔日既男友今日既老公精心炮製既浪漫慶生活動完全抛諸腦後

好像遺忘了另一半般 說到底眼中只有小寶貝 所有心思都全部放晒o係BB身上

可憐的隊友!

6. 玻璃心

以往刀槍不入,當媽後因小生命的誕生,整個人變得眼淺感觸。更因愛B心切 一句閒言閒語足以令媽媽玻璃心碎!請身邊人謹言哦~

7. 身心疲憊 周身骨痛

不論在職媽媽還是全職媽媽 都是on call 36小時好媽媽!就算病左都要戴住口罩硬住頭皮湊B,更因長期睡眠不足,攪到身心疲憊。

二人行同三人後既生活截然不同,出街小手袋變奶粉袋。加上次次抱住支10L樽裝水出街,腰酸骨痛就係咁練出黎架。

究竟係咩驅使嬌嫡嫡既妳咁孔武有力呢? 係愛呀!

8. 手機癮

湊B時間過得特別快 真係忙到連去廁所都唔得閒。咁就唯有襯佢地夜晚訓左 半夜瘋狂網購覆Message

仲要睇埋各大親子平台 誓要玩到手機無電先捨得收手訓覺

*靚媽們 夜晚玩電話 記住開BlueLightFilter 藍光傷眼又傷皮膚

9.脫髮危機

生完B,斷了多少髮線,日日都一地頭髮,真係見到都驚。記得要食多D育髮食物平衡一下脫髮危機!再加上冇時間理髮,頭髮有如雜草,毫無造型可言。

*夏天就到~快d抽時間換個新髮型啦

10. 離家焦慮症

相信好多媽媽都試過坐完月,為左獎勵自己。於是放低BB俾屋企人照顧,同老公去旅行。原來係會心掛 ….掛到喊架。仲發誓以後都一定會帶B同行!

到而家就算外出短短數小時(不論係約人食飯/理髮),都會有離家焦慮症,恨不得急腳飛奔回家。

如以上10個病徵

只中5項,恭喜妳!因為妳個B仲細個(遲D妳就知)

如中8項,唔駛怕!唔係全中 (*希望妳老公仲保得住個地位)

10項全中! 太好了!歡迎加入媽媽症候群會。

哩度有好多星級會員,多多指教!

妳地更會隨住小朋友年齡增長而病徵有所改變。隨時成為媽媽症候群會榮譽會長!

 

加油哦!

希望各位媽媽好好享受哩個媽媽症候群所為妳帶黎既幸福同快樂啦

米高媽媽。心靈雞湯

 

Like一Like包包陪細佬b看世界facebook專頁可搶先知道更多至潮至UPDATE親子分享

米高媽媽好物推介 。慳錢情報。心靈雞湯。親子旅遊。包包去哪兒。潮食週記。