孕媽心聲：懷第三胎的喜與憂
廣告
在很多國家生三四個小朋友其實很正常，但在香港如果你說生三個或以上小朋友就變得有點反常，事實在這年代養育小孩確實唔容易，有很多人甚至自己都養唔掂，更何況養多個？所以大多數都係一個起兩個止。喺兩個小孩出生前，我同先生早有詳細的生育計劃，直至現在第三個孩子出生，雖然唔係完全在計劃之內，但也不是意外懷孕。因為我倆都是在大家庭長大(各有三四個兄弟姊妹)，所以當生了第二個後，慢慢便覺得其實有多一兩個孩子都不壞，亦覺得這是個福氣！
但這個本來該喜悅的事，經過很多身邊人的反應和意見就變成憂慮了，當你生兩個時會聽到「我生一個都好大壓力，我都唔敢生兩個，你好勇呀！」；「生一個多一萬，兩個就兩萬！」……到第三個時會聽到「意外黎架？」；「你好似生仔唔洗錢咁！」；「你圍村人黎架？」；「養咁多個好大開支，不過都恭喜你！」….這些苦口婆心的說話不禁讓人生起養育小孩的煩惱。
如果你曾經對身邊的孕媽媽說過同樣說話，請你們再不要說了，其實只是一句簡單的祝福已經很足夠！因為一對夫妻能有自己小孩不是絕對的事，不要將他們那份喜悅帶走，不要令期待的心變成恐懼，不要將生小孩變成經濟壓力。縱使有小孩後會迎接很多挑戰和問題，但只要小孩能健康快樂成長，相信已經是父母最大嘅願望。
