小朋友海洋公園親親動物開心Gathering

小朋友海洋公園親親動物開心Gathering

朝早準時集合之後，一齊去熊貓薈（大熊貓餐廳）入口睇禿鷹、金剛鸚鵡。

熊貓呀！

所有小朋友都好守秩序，好靜，唔好嘈親小熊貓呀！

保育動物，值得支持！

跟住去咗睇威威劇場嘅全新歌舞劇：「威威列車奇遇」

見到威威、大嘜同美雪，大家都好開心呀！

佢哋邀請所有大小朋友登上威威列車，車站職員會為小朋友蓋神秘印章車票，帶大家去世界七大洲歷險！

雖然途中遇到好多阻礙，但係所有小朋友齊心合力，幫手解決困難！

全新面貌矚目登場嘅威威、大嘜同美雪超活潑，載歌載舞，所有人邊笑邊唱歌！

喺山上嘅冰極餐廳食晏

同行有兩姊妹生日，當然要慶祝吓啦！佢哋兩姊妹都係 Keicy、Kassy 嘅同班同學嚟呀！

食完晏，小朋友嚟到熱帶雨林探險徑，接觸香港少見嘅樹懶，同親密互動！

樹懶身懷絕技，識得「二趾神功」倒吊㗎！

小朋友仲好聰明，估到樹懶鍾意食咩口味嘅食物！

外表好「懶懶豬」嘅樹懶，真係好得意呀！護理員姐姐分享咗好多樹懶嘅生活點滴，令小朋友對佢有更深認識！

大家去完呢個「企鵝手帶解碼坊」，都玩到唔捨得走。

企鵝隻隻都一樣樣，點樣分邊隻打邊隻呢？

原來，佢哋身上嘅七彩手帶，係代表自己嘅獨特身份。

護理員教小朋友拆解「顏色密碼」，講解點樣體貼照顧企鵝嘅護理需要。

小朋友仲可以 DIY 專屬手帶，成為獨一無二的飾物，扮吓小企鵝！

唔同時段會有唔同嘅「動物萌友互動小學堂」，免費㗎！

包括估鯊魚品種嘅「鯊魚蛋猜猜猜」、認識唔同金魚品種特徵嘅「金魚達人講座」，同近距離欣賞海豚泳姿嘅「小小海豚游樂坊」。

想報名，去海洋公園流動應用程式就得喇！

大家可以用園內 wifi，喺 Google Play 或者 Apple Store 下載海洋公園流動應用程式 Ocean Park Hong Kong，使用「預約通行證」功能報名。

親親動物，一日點夠吖，有全年證，就可以隨時入場盡情玩喇！

而家申請或者續購智紛全年證，額外送 2 個月會籍！

由 3 月 23 日至 5 月 6 日，成功申請或者續購「智紛全年入場證」，即可享有共 14 個月會籍！全年無限次免費入場盡情玩，兼享連串獨家會員優惠同體驗！會籍有效期內，仲可以參加獨家限定動物活動㖭！

Keicy 已經買咗喇，隨時入場再探一班小動物！

同一大班小朋友去海洋公園，永遠都咁開心！

嚟緊就係復活節，最啱就係一家大細同海洋公園嘅動物大使一齊「過節」！有自然環境、有動物互動體驗活動教學之餘，由即日起到 2018 年 5 月 6 號，香港市民喺海洋公園正門買成人或者兒童當日買正價門票，可以有 88 折優惠，出示證件就得喇！^^

FB: KeicyKK