呻鼻

唔識「呻」鼻水點算好?簡單1招教幼兒學識「呻鼻」技巧

專欄

廣告

而家三歲十個月嘅和牛B,每當佢傷風流鼻水嘅時候都仲係唔識「呻鼻」水。之前一直教佢同鼻子「嘿」一聲,想佢感受用鼻出力,不過似乎和牛B都係未掌握到。

撰文&圖片:和牛媽媽 | 編輯:Chloe

1招教幼兒學識「呻鼻」技巧

前排同朋友傾計交流之下,佢就教咗我一個好玩嘅方法,令小朋友好易掌握「鼻子噴氣」技巧!!大家都不妨試下,可以同小朋友一齊互動,學習同時又變遊戲,又真係幾好玩呢~

方法:

將紙巾,捲成條狀塞入其中一邊鼻孔 (當然唔係成條塞晒入去吧)。然後要合埋口,用鼻子嘅力力 “呻”。

同和牛B玩咗兩三次左右,佢就終於成功掌握到個技巧了。

如果小朋友仍未識「呻」鼻水,不妨試試呢個方法。