我哋揀咗個weekend去趟澳門逛逛，來個 澳門親子遊 。羲廷一聽到有得坐船，興奮又期待，每日放學返黎都問我仲有幾多日出發，放學返黎見到我哋執緊衫同行李又問係咪而家要出門口，因為每次出發去旅行，佢都要自己準備想帶嘅玩具、紙筆等等，所以佢話要時間執”行李”喎^^
去到買船飛嘅櫃位，一本正經咁同姐姐講去邊，要幾多張飛。尖沙咀中港碼頭雖然無咁多班次，但預啱哂時間的話其實尖沙咀都幾方便。
到左澳門碼頭 已經見到酒店好細心咁安排咗職員接應，一出閘就見到大大部ipad寫住爸爸個名。
一入到房見到兩個帳幕即時興奮大叫: 呢度可以Camping呀!! 兩個帳幕 羲廷羲穎一人一個唔洗爭，雖然細佬都有BB床 但平時都可以喺帳幕度玩吓。
帳幕內好貼心咁準備好小朋友浴袍 沐浴用品包 勁舒服嘅牛牛被同一個小玩偶
續下頁
仲有小朋友最LIKE嘅Welcome dessert and fruits
呢個浴室超級大 按摩浴池喺正中間 一邊坐廁一邊淋浴
續下頁
帳幕裡面嘅設計都好認真 有指南針又有夜明燈
雖然未行得穩 酒店四圍有地毯 就大膽比佢試多幾步
行到幾步自己都勁開心
睇到媽媽心都甜到漏^3^
晚飯後返黎羲廷第一時間話要沖涼 (好少可… 哈哈!)
每逢外遊 羲廷好似都零舍懂事，自己自動波擔凳仔刷牙洗面，有板有眼。
洗完白白舒舒服服享受佢嘅befor-bed-time : 畫吓畫睇吓戲
下頁：酒店仲有乜嘢玩
每次出遊羲廷都會期待酒店嘅自助早餐
原因好簡單:
就係可以食到平時喺屋企好少食嘅甜麵包
行政樓層食早餐嘅地方唔算大
野食選擇都唔算多 但都算精緻 食得飽嘅^^
有奄列 各款蛋類 即叫即整
仲有白粥 蟹肉粥 可配油炸鬼, 蔥, 炸菜等等佐料
如小朋友食cereal又唔想飲凍奶或豆漿
可以麻煩職員幫手坐暖再加cereals
早餐嘅地方唔算太多位 有十張檯左右 好天氣時坐室外雅座應該幾好FEEL
講到baby-friendly 都仲有D提意見嘅空間
例如酒店提供嘅陶瓷BB餐具較重及易打爛 媽媽們可自備小寶嘅用具
如果有多幾款蒸烚嘅蔬菜選擇會更完美 e.g 烚番薯,薯仔, 粟米, 甘荀, 青瓜等
唔一定嘯只啱小寶食 從成人長者嘅健康角度考慮都好合適!
續下頁
食完早餐返上房 羲廷話要玩牛牛露營
於是佢分配咗唔同嘅角色比我同羲穎
就係媽咪牛牛同細佬牛牛
細佬起勢不停爬 睇少一秒已經轉哂POSE或者爬咗去第二度啦
後來導演都加入一齊玩 角色係哥哥牛牛
兩隻牛牛講牛牛話 用杯飲水同以糖代草
夠哂IN…. *0*
細佬係旁邊睇到卡卡笑 走入黎攬住媽咪
咦…. 咪住先…..
羲穎 媽咪呢一身嘅造型係咪令你有D肚餓…..~@^.^@~
肚餓就去食飯啦!
行咗過去百老匯大街 有好多餐廳好多選擇
擔仔麵 魯肉飯 魯水豆腐 紅燒排骨
都係最愛魯肉飯!
下頁：放電好地方
食完午飯去最重要嘅行程之一當然要去放電
(呢張相係前一日影)
一聽到有得去Playroom 兩個興奮到攬埋一齊
(註: 羲穎應該係被攬埋一齊 *3*)
之前有睇台灣之旅都知道細佬好鍾意爬柱
呢一條當然都唔會放過…..
下頁：仲有其他嘢玩
舒服到細佬差唔多瞓著嘅Sling
playroom 定時仲會有d 集體小遊戲比各位小朋友參加
嬴咗仲有小禮物做獎勵㗎~
跳足玩足兩個鐘
大家都要返房抖抖
又可以去Lounge度食下午茶
無錯 又食……
我知…. 我會努力跑步找返條數 @.@
The Kids Club@ JW Marriott Macau
地址：JW Marriott Macau 3樓
時間：9:30-21:30
收費：
平日(星期一至星期五)：2 小時 （包括一位兒童和一位成人）＄120；3 小時 （包括一位兒童和一位成人，和1個手工藝活動）＄200
週末及假日(星期六、日或假期：2 小時 （包括一位兒童和一位成人）＄150；3 小時 （包括一位兒童和一位成人，和1個手工藝活動）＄250
* JW Marriott Macau 及 Ritz Carlton Macau 的酒店住客享有 7 折的優惠。
