滘西灣垂釣樂園

悠閒週末 @ 滘西灣垂釣樂園

專欄

廣告

想過一個悠閒週末,去魚排玩一個下晝都係一個唔錯嘅選擇

今次野人家去「滘西灣悠閒垂釣樂園」

喺西貢碼頭坐船出發,坐大約15分鐘船,就到達魚排

(船飛可以喺碼頭旁邊呢個牌嘅位置買,大人:$100/位,小孩:$60/位)

溫馨提示 : 每日最後一班船時間係2:30pm

魚排落船位置嘅魚池,有我大半個人咁長嘅魚!!!!!

野人睇到好興奮

不過可以釣嘅當然唔係呢D魚啦,哈哈

出發去「真正」嘅位置釣魚

整個魚排,除咗「養魚」位置之外

其他全部地方都可以「任釣」

釣到嘅魚就係自己架喇,因為都係來自大海:D

提示 : 如果你唔係釣魚達人,冇自家釣魚功具

而且又唔係咁高要求

魚排都有最「基本」嘅功具、魚餌售賣

虎爸開始授課喇

野人初初都有少少心機學

到最後「質問」虎爸點解冇魚上釣!!!!!!哈哈

閱讀更多

※如欲率先接收資訊,請讚好我們的FB專頁:https://www.facebook.com/SundayKiss/,並於「已讚好/Liked」選單設定「搶先看/See First」,多謝支持。
延伸閱讀
名模媽媽分享 拯救 嬰兒濕疹
營養師教你食生果
 

 

見野人開始冇乜心機釣,就帶佢地去餵魚

就係去餵一落船見到嗰D超級長魚

大大舊「魚糧」掉落去餵 (「魚糧」喺魚排有得買)

好有「海洋公園」餵海獅嘅感覺 😀

超美夕陽,坐喺呢個魚排真係好舒服

下次想去試有得BBQ嘅魚排

呢個魚排雖然冇得BBQ

但係都有嘢食買,餓都有得醫肚

兩隻嘢話下年要再嚟

睇下食咗佢地舊魚餌,但又釣唔到嘅魚有冇長大 🙂

差唔多6點,尾班船,要搭船走Lu…..

過咗一個好舒適嘅週末 🙂