最愛自然光

教咗家長影相咁多年，好多時家長都問我點樣可以影到靚相？都係果句喇！最重要真係光線同埋主題，如果影相時無咗其中一樣，你哋諗下張相會變成點？無光？唔洗諗，相一定係暗。無主題？唔洗諗，根本我都唔知你想影乜？：D

所以話，要吸引人哋去睇你既相，最重要係一種感覺，練習係好重要，如果話你知唔洗練習就真係假既，影相真係易學難精！雖然我影咗咁多小朋友同埋唔同場景，但其實我一有時間，都會不停練習，因為要令自己係最短時間適應唔同場合光線及鏡頭運用至把握到時間捕捉小朋友最可愛既一刻！